އިންޑިއާގެ ވައިގެ އަސްކަރީ އޮފިސަރެއްގެ ރޯލުން ބަތަލާ ކަންގަނާ ރަނާވަތު ފެނިގެންދާ ފިލްމް "ތޭޖަސް" ގެ ޓީޒާ ދައްކައިލައިފިއެވެ.
މި އަހަރުގެ އެންމެ އުންމީދީ ފިލްމުތަކުގެ ތެރޭގައި ހިމެނޭ މި ފިލްމު ސިނަމާތަކަށް ގެންނަން ނިންމާފައި ވަނީ މި މަހުގެ 27 ގަ އެވެ. މިމަހުގެ 27 އަށް ފިލްމް ތާވަލު ކުރުމުގެ ކުރިން ދެފަހަރެއްގެ މަތިން ވަނީ ފިލްމް އަޅުވާ ދުވަސް ލަސްވެސް ކޮށްފައިއެވެ.
އެއާފޯސް ޕައިލެޓް ތޭޖަސް ގިލްގެ ހަޔާތުގެ މައްޗަށް ހަދާ މި ބަޔޮޕިކްގައި ކަންގަނާ ފެނިގެންދާނީ ތޭޖަސްގެ ރޯލުންނެވެ. މިއީ ވަރަށް ހިތްވަރުގަދަ ޕައިލެޓެއްގެ ވާހަކަ ކިޔައިދޭ ފިލްމެކެވެ.
2019 ގެ ވަތަނީ ފިލްމު "އުރީ: ދަ ސާޖިކަލް ސްޓްރައިކް" ގެ ޕްރޮޑިއުސަރު ރޯނީ ސްކްރޫވާލާ ޕްރޮޑިއުސްކޮށްފައިވާ "ތޭޖާސް" އަކީ ސަރްވޭޝް މެވާރާ ލިޔެ، ޑައިރެކްޓްކޮށްފައިވާ އެއްޗެކެވެ.
ކޮމެންޓު ފޮނުވާ