ބޮލީވުޑްގެ މަޝްހޫރު ބަތަލާ ކަންގަނާ ރަނާވަރުގެ ކުރިއަށް އޮތް ފިލްމް "ތޭޖަސް"ގެ އައު ޕޯސްޓަރެއް ދައްކައިލައިފިއެވެ.
އެއާފޯސް ޕައިލެޓް ތޭޖަސް ގިލްގެ ހަޔާތުގެ މައްޗަށް ހަދާ މި ބަޔޮޕިކްގައި ކަންގަނާ ފެނިގެންދާނީ ތޭޖަސްގެ ރޯލުންނެވެ. މިއީ ވަރަށް ހިތްވަރުގަދަ ޕައިލެޓެއްގެ ވާހަކަ ކިޔައިދޭ ފިލްމެކެވެ.
މި ފިލްމް މީގެ ކުރިން ދެފަހަރެއްގެ މަތިން ވަނީ އަޅުވަން ތާވަލް ކޮށްފައިއެވެ. ނަމަވެސް މިހަތަނަށް ވެސް އެކި އެކި ސަބަބު ތަކާހެދި ބެލުންތެރިންނަށް ފިލްމް ގެނެސްދެވޭ ގޮތެއް ނުވެއެވެ. ފިލްމް މިހާރު އަޅުވަން އަމާޒު ހިފައިފައިވަނީ މިމަހުގެ ފަހުކޮޅަށެވެ.
ކާމިޔާބު އެތަށް ފިލްމްތަކެއް ކުޅެފައިވާ ބަތަލާ އެންމެ ފަހުން ފެނިގެންދިއައީ މިދިއަ މަހުގައި ރިލިޒް ކުރި ފިލްމް "ޗަންދުރަމުކީ 2″ އިންނެވެ.
ކޮމެންޓު ފޮނުވާ