އެމްއާރުއެމް ލީޑަރޝިޕްގެ ގިނަ އަދަދެއްގެ ބަޔަކު ރިޔާސީ އިންތިޚާބުގެ ދެވަނަ ބުރުގައި ޕީޕީއެމް/ޕީއެންސީގެ ރިޔާސީ ކެންޑިޑޭޓް ޑރ. މުހައްމަދު މުއިއްޒަށް ތާއީދުކޮށް މުއިއްޒާއި ބައިއަތު ހިފައިފިއެވެ.
މިއަދު ހަވީރު ގަލޮޅު ކަންމަތީގައި އޮތް ޚާއްސަ ހަފްލާފައި މުއިއްޒަށް ތާއީދު ކުރެއްވި ބޭފުޅުންގެ ތެރޭގައި މިސަރުކާރުގެ އިސް މަޤާމުތައް ފުރުއްވަމުންދާ އެމްއާރުއެމްއަށް ނިސްބަތްވާ ބޭފުޅުންވެސް ހިމެނެއެވެ. އަދި ގުޅުނު ގިނަ ބޭފުޅުންނަކީ އެމްއާރުއެމްގެ ކައުންސިލްގައި ހިމެނޭ ނިމިދިޔަ އިންތިޚާބުގައި ފާރިސްގެ ކެމްޕޭންގައި އެންމެ އިސްކޮށް އުޅުއްވި ބޭފުޅުންނެވެ.
އެމްއާރުއެމްއިން މުއިއްޒު އެންޑޯޒް ކުރެއްވި ބޭފުޅުން:
– އަހުމަދު އިބްރާހިމް، އެމްއާރުއެމް ކައުންސިލް މެމްބަރު
– އިސްމާއިލް ޒަބީހު، އެމްއާރުއެމް ކައުންސިލް މެމްބަރު
– އަލީ ތޯއިފް، އެމްއާރުއެމް ކައުންސިލް މެމްބަރު
– އިސްމާއިލް ރައޫފް، އެމްއާރުއެމް ކައުންސިލް މެމްބަރު
– އަނީސް، އެމްއާރުއެމް ކައުންސިލް މެމްބަރު
– އަހުމަދު ޒިޔާން، އެމްއާރުއެމް ކައުންސިލް މެމްބަރު
– ޝިމާޒު އަލީ، އެމްއާރުއެމް ކައުންސިލް މެމްބަރު
ޝާން އަހުމަދު ނިޔާޒު، އެމްއާރުއެމް ކައުންސިލް މެމްބަރު
އަހުމަދު އަފްޒަލް، އެމްއާރުއެމްގެ ސަޕޯޓަރެއް
އެމްއާރުއެމްއިން ނިންމާފައިވަނީ ރިިޔާސީ އިންތިޚާބުގެ ދެވަނަ ބުރުގައި އެއްވެސް ކެންޑިޑޭޓަކަށް ތާއީދު ނުކުރުމަށެވެ. މިއާއިއެކު އެޕާޓީގެ ގިނަ ބޭފުޅުންގެ ތާއީދު ވަނީ މުއިއްޒަށް ދެއްވާފައެވެ. އެމްއާރުއެމްގެ އިތުރުން ޖުމްހޫރީ ޕާޓީއަށް ނިސްބަތްވާ ގިނަ ބޭފުޅުންތަކެއްވެސް ވަނީ ރޭ ޑރ. މުއިއްޒަސް ތާއީދުކޮށް ޕީޕީއެމްއަށް ސޮއި ކޮށްފައެވެ.
