މިސަރުކާރު ބަދަލުވެއްޖެނަމަ ވަޒީފާތަކުގައި ތިއްބެވި ބޭފުޅުން ވަޒީފާތަކުން ކަނޑައި، ފަށާފައިވާ މަޝްރޫޢުތައް ހުއްޓާލާނެކަމަށް ބުނެ ދައްކަމުންދަނީ އެއްވެސް ހަގީގަތެއް ނެތް ދޮގުވާހަކަތަކެއް ކަމަށާއި، ވެރިކަމަށް ވަޑައި ގަންނަވަނީ ޤައުމު ތަރައްޤީ ކުރަން ކަމުުގައި ޕީއެންސީގެ ރިޔާސީ ކެންޑިޑޭޓް ޑރ.މުހައްމަދު މުއިއްޒު ވިދާޅުވެއްޖެއެވެ.
ރިޔާސީ ކެމްޕޭންގައި ރ.އަތޮޅަށް ކުރައްވާ ދަތުރުފުޅުގައި މުއިއްޒުގެ ދަތުރު ފެށީ ރ.އަލިފުށިންނެވެ. އަލިފުއްޓަށް ވަޑައިގެންނެވުމުން ބޯ ވިއްސާރާގައި އެރަށުން ވަނީ މުއިއްޒުއަށް ވަރަށް ހޫނު މަރުހަބާއެއް ދަންނަވާފައެވެ. މުއިއްޒު ވިދާޅުވީ އަލުފުށީގެ ތަރައްޤީއަށް މިސަރުކާރުގެ ބަރަވެލި ސްޕީޑުގައި ކުރަމުންދާ މަސައްކަތްތައް ހުއްޓާލާނެކަމަށް ބުނެ ރައްޔިތުންނަށް އޮޅުވާލަމުންދާކަމަށެވެ.
އަޅުގަނޑުމެން ވަޒީފާތަކުން މީހުން ކަނޑައި، މިރަށުގައިި ކުރިއަށްދާ އެއާޕޯޓްގެ މަސައްކަތް ހުއްޓާލާނެކަމަށް ބުނެ ހަގީގަތާއި ޚިލާފް ވާހަކަދަނީ ދައްކަމުން. އަޅުގަނޑު ތިޔަބޭފުޅުންނަށް ދޭނެ ޔަގީންކަމަކީ އެއްވެސް މަޝްރޫއެއް ނުހުއްޓޭނެކަން، އެއާޕޯޓްވެސް ތަރައްޤީކޮށް އުމްރާނީ ތަރައްޤީ ތިޔަބޭފުޅުން އެދޭގޮތަށް ގެންނާނީ އަޅުގަނޑުމެން.
– މުއިއްޒު ވިދާޅުވިއެވެ.
މުއިއްޒު ވަނީ އަލިފުށީ ރައްޔިތުން ބޭނުންވާ ތަރައްޤީ ހާސިލް ކޮށްދެއްވާނެކަމުގެ ޔަގީންކަން ދެއްވާފައެވެ. އަދި މަސައްކަތް ކުރުމުގައި ފެންނާނީ އިހުލާސްތެރި ކަމާއިއެކު މަސައްކަތް ކޮށްދޭތަން ކަމަށާއި، ޚިޔާލް ތަފާތުވުން އެއްކައިރިކޮށް އެންމެން އެކަތިގަނޑަކަށްވެ މަސައްކަތް ކޮށްދެއްވުމަށް މުއިއްޒު ވަނީ އެދިވަޑައިގެންފައެވެ.
އަލިފުއްއްޓަށް މުއިއްޒުގެ ވައުދުތައް:
– ބިން ހިއްކިގެންދާއިރު ސިނާއީ މަސައްކަތްތަކަށް ޚާއްސަ ކުރާނަން
– ބޭންކުގެ ބްރާންޗެއް ގާއިމްކޮށްދޭނަން
– ހޮސްޕިޓަލެއް ޤާއިމް ކޮށްދޭނަން
– ޒުވާނުންގެ ކުޅިވަރު ވަސީލަތްތައް ގާއިމް ކޮށްދޭނަން
– ކުނިމެނޭޖް ކުުރެވޭނެ ނިޒާމެއް ގާއިމް ކޮށްދޭނަން
– ގެސްޓްހައުސް ވިޔަފާރި ފުޅާކޮށްދޭނަން
PPM PNC ge Riyaasy Candidate Dr. Mohamed Muizzu R. Alifushi rayyithunnaa badhdhalu kurevvun @MMuizzu #Vote4Muizzu#DrMuizzuSembe#DhiveheengeRaajje #FreePresidentYameen pic.twitter.com/36cu8e7pkZ
— Progressive Party of Maldives (@ProgressPartyMV) August 29, 2023
ވަރަށް ފޯރީގައި ކުރިއަށްދިިޔަ މިބައްދަލުވުމުގައި މުއިއްޒުވަނީ މިއިންތިޚާބު ކާމިޔާބު ކުރުމުގައި އަލިފުށިން އެއްބުރުން އިންތިޚާބު ކާމިޔާބު ކުރެވޭ ވަރަށް ވޯޓު ދެއްވާނެ ކަމުގެ ޔަގީނަކްނ ލިބިފަިއވާކަމަށެވެ. އަދި އިންތިޚާބު ކާމިޔާބު ކުރުމަށްފަހު ފުރަތަމަ ކުރާނެ ކަމަކީވެސް ރައީސް ޔާމީން މިނިވަން ކުރުންކަމަށް ޑރ. މުއިއްޒު ވިދާޅުވިއެވެ.
