ލ. އަތޮލުގައި އިތުރު އެއަރޕޯޓެއް އަޅައިދޭން ރައީސް ސާލިހު ވައުދު ވެއްޖެއެވެ.
މި މަޝްރޫޢާއި ގުޅޭ އިތުރު ތަފްސީލު ހާމަ ނުކުރައްވާ، ލ. އަތޮޅުގައި އިތުރު އެއަރޕޯޓެއް އަޅައިދޭން ރައީސް ސާލިހު ވައުދުވީ، ކުރިޔަށް އޮތް ރިޔާސީ އިންތިޚާބަށް ކެމްޕޭން ކުރެއްވުމަށް މިހާރު ލ. އަތޮޅަށް ކުރައްވަމުން ގެންދަވާ ދަތުރުފުޅުގައި އެއަތޮޅު އިސްދޫ ކަޅައިދޫގައި ވާހަކަ ދައްކަވަމުންނެވެ.
ރައީސްގެ ވާހަކަފުޅުގައި ވިދާޅުވީ، އެއަތޮޅުގައި އިތުރު އެއަރޕޯޓެއް އެޅުމަށް ނިންމެވި ނަމަވެސް، އެކަމަށްޓަކާ އަދި ވަކި ސަރަހައްދެއް ސަރުކާރުން ނިންމާފައި ނުވާކަމުގައެވެ. އަދި އެއަރޕޯޓު އެޅުމަށް ވަކި ސަރަހައްދެއް ނިންމާނީ ރައްޔިތުންނާއި ސަރުކާރުގެ އިސްވެރިންނާއި މަޝްވަރާ ކުރެއްވުމަށްފަހު ކަމަށްވެސް ރައީސް ވިދާޅުވިއެވެ.
ރައީސް ސާލިހު ވިދާޅުވީ އެމަނިކުފާނު ކަން ކުރައްވާނީ ރައްޔިތުންނާއި މަޝްވަރާ ކުރެއްވުމަށްފަހު ރައްޔިތުންގެ ވިންދާ އެއްގޮތަށް ކަމަށާއި، ވާވައުދުތަކަކީ ހަމައެކަނި އިންތިޚާބާ ދިމާކޮށް ވާ ވައުދުތަކެއް ނޫންކަމުގައެވެ. އަދި ގައުމުގެ ހާލަތު އެހެން ހަރުފަތަކަށް ގެންދިއުން ނޫން އެހެން އެއްވެސް މަގުސަދެއް އެމަނިކުފާނުގެ ނެތްކަމަށްވެސް ރައީސް ސާލިހު ވިދާޅުވިއެވެ.
ރައީސް ވިދާޅުވީ ކުރީގެ ސަރުކާރުތަކުގައި ރައްޔިތުންނަށް އޮޅުވާލާފައި ވާކަމަށާއި، އެމަނިކުފާނުގެ ސަރުކާރުން ރައްޔިތުންނަށް އޮޅުވާ ނުލާނެކަމުގައެވެ.
