ހުވަދު އަތޮޅު އުތުރުބުރީ ވިލިނގިލީގެ ބިމުގެ ޖާގައިގެ ދަތިކަމަށް ދިމާވެފައިވާ ދަތިތައް ހަލުކުރުމަށް ބިން ހިއްކައި، ވިލިނގިލީގައި އިންޓަރެނޭޝަނަލް އެއާޕޯޓެއް ތަރައްގީ ކޮށްދެއްވާނެ ކަމުގެ އުފާވެރި ޚަބަރު ޑރ.މުއިއްޒު ވިލިނގިލީ ރައްޔިތުންނަށް ދެއްވައިފިއެވެ.
ވިލިނގިލީގައި މިރޭ ބޭއްވި ފޯރިގަދަ ޖަލްސާގައި މިއުފާވެރި ޚަބަރު ޑރ.މުއިއްޒު، މިޖަލްސާގައި އިއުލާން ކުރުމާއިކު ޖަލްސާގައި ތިބި ވިލިނގިލީ ރައްޔިތުންގެ ހަޅޭކުގެ އަޑާއިއެކު މުޅިތަން ގުގުމާލިއެވެ.
މިރޭގެ ޖަލްސާގައި މުއިއްޒު ވިދާޅުވީ ރައީސް ޔާމީންގެ ވެރިކަމުގައި ވިލިނގިއްޔަށް އުފާވެރި ދުވަސްތަކެއް ގެނެސް ދެެއްވި ކަމަށެވެ. ވިލިނގިލީގެ ތަރައްޤީއަށް ކުރަންޖެހޭ ބައިވަރު ކަންކަން ހުރިކަން ފާހަގަކޮށް މުއިއްޒު ވިދާޅުވީ ހިންގާނެ އެންމެ ބޮޑު މަޝްރޫއަކީ އިންޓަރނޭޝަނަލް އެއާޕޯޓެއް ވިލިނގިލީ ކައިރީގައި އޮތް ފަޅުރަށާއި ރަށާއި ގުޅޭނެހެން ހިއްކައި ތަރައްޤީ ކުރުންކަމަށެވެ.
މިއެއާޕޯޓް ތަރައްޤީ ކުރާނީ ކޫއްޑު އެއާޕޯޓް ޓްރޭނިން އެއާޕޯޓަކަށް ބަދަލުކޮށް، ރަނގަޅު ފެންވަރުގެ ޚިދުމަތްތަކާއިއެކު ގިނަ ވަޒީފާތަކެއް އުފެދޭ ގޮތަކަށް ކަމަށް މުއިއްޒު ވިދާޅުވިއެވެ. މުއިއްޒު ވިދާޅުވީ މިކަމަކީ ކުރެވޭނެ ހާސިލްކޮށްދެވޭނެ ކަމެއްކަމަށް. ވެރިކަން ކުރުމުގެ ފުރުސަތު ދީފިނަމަ މިކަން ކޮށްދެއްވާނެ ކަމީ ކުރާނެ ކަމެެއްކަމަށް މުއިއްޒު ވިދާޅުވިއެވެ.
އަޅުގަނޑު ހަމަ ޔަގީންކަމާއިއެކީ މިދަންނަވަނީ އިރާދަ ކުރެއްވިޔާ އެކަން ކޮށްދޭނަން.
– މުއިއްޒު ވަރަށް ޔަގީން ކަމާއިއެކު ވިދާޅުވިއެވެ.
މުއިއްޒު ވިލިނގިއްޔަށް ވެވަޑައިގެންނެވި ވައުދުތައް:
– އިންޓަރގްރޭޓެޓް ޑިވޮލޮޕްމަންޓޓް ޒޯނެއް ތަޢާރަފްކުރުން
– ކޫއްޑޫ އެއާޕޯޓް ޓްރޭނިން އެއާޕޯޓަކަށް ބަދަލުކޮށް، ވިލިނގިލީގައި އިންޓަރނޭޝަން ފެންވަރުގެ އެއާޕޯޓެއް ތަރައްޤީ ކުރުން
– އެއާޕޯޓާއިއެކު އިންޓަރގްރޭޓެޑް ޓޫރިޒަމްގެ ބޮޑު މަޝްރޫއެއް ހިންގާނަން
– ފަތުރުވެރިކަން ފުޅާވެގެންދާއިރު 10،000 އެނދު އަންނާނެ
– ވިލިނގިލީގެ ބިންހިއްކައި ބޮޑުކޮށްދިނުން
– ކޫއްޑޫ ކޯލް ސްޓޯރޭޖް ބޮޑުކޮށްދިނުން
– ވިލިނގިލީ ހޮސްޕިޓަށް އިތުރަށް ތަރައްޤީ ކޮށްދިނުން
– ޔުނިވަސިޓީގެ ކެމްޕަހެއް ގާއިމް ކޮށްދިނުން
މުއިއްޒު ވިދާޅުވީ ކެމްޕޭންގައި މިހާތަނަށް ވަޑައިގެންނެވި ކޮންމެ ރަށަކުން ފެނިގެން ދަނީ ތަރައްޤީ ނުކުރެވި އަޅާނުލާ އޮތްތަން ކަމަށެވެ. މިއީ ވަރަށް ހިތާމަހހުރި ކަމެއްކަމަށާއި، 9 ސެޕްޓެމްބަރުގައި ދިވެހިން ކުރިމަތިލާނީ މިވެރިކަން ބާއްވާނީތޯ ނޫނީ ތަރައްޤީގެ ރަންޒަމާން ގެންނާނީތޯކަމަށް މުއިއްޒު ވިދާޅުވިއެވެ.
މިވޭތިވެދިޔަ ފަސް އަހަރު ދިވެހި ރައްޔިތުންނަށް މިސަރުކާރުން ކަންކަން ކުރީ ރަނގަޅަށްތޯ ނޫންތޯ ނިންމަންވީ ނިންމުން ކުރިމަތީގައި މިއޮތީ. އަޅުގަނޑުމެން ނިންމުން ނިންމާ ގޮތަކުން ބަނަވުމާއި އުޖާލާވުން މިއޮތީ.
– މުއިއްޒު ވިދާޅުވިއެވެ.
މުއިއްޒު ވިދާޅުވީ އެއްވެސް ޕޯޑިއަމެއްގައި ކެމްޕޭނަށް ވަޑައިގެން ނުކުރެވޭ ވަރުގެ ވައުދެއް ނުވާނެކަމަށެވެ. މުއިއްޒު ޔަގީންކަމާއިއެކު ވިދާޅުވީ ވެވަޑައިގެންނެވި ހުރިހާ ވައުދެއް ފުއްދަވާނެކަމަށެވެ.
