ރައްޔިތުންގެ މަޖިލީހުގެ ފޮނަދޫ ދާއިރާގެ މެމްބަރު މޫސާ ސިރާޖާއިއެކު ތިއްބެވި 3 ސިޔާސީ މުވައްޒިފަކު މަޤާމުން ވަކިކޮށްފިއެވެ.
މިތިން މުވައްޒިފުން ވަޒީފާއިން ވަކިކުރިކަން އަންގައި ރައީސް އޮފީހުން ފޮނުވި ސިޓީގައި ސޮއިކޮށްފައިވަނީ އިބްރާހިމް ވަހީދު (މަދަނަ އިބުރޭ) އެވެ. މި ތިން މީހުންނަކީ ސިރާޖު އެމްޑީޕީން ވަކިވުމުން އޭނާއާއިއެކު ތިބި 3 މީހުންނެވެ.
އެމްޑީޕީން ވަކިވެވަޑައިގެންނެވި ރައްޔިތުންގެ މަޖިލީހުގެ ފޮނަދޫ ދާއިރާގެ މެމްބަރު މޫސާ ސިރާޖު، ކުރިއަށް އޮތް ރިޔާސީ އިންތިހާބުގައި އިދިކޮޅު ރިޔަސީ ކެންޑިޑޭޓް ޑރ.މުހައްމަދު މުއިއްޒުއަށް ތާއިދު ކުރައްވަން ވަނީ ނިންމަވާފައެވެ. ސިރާޖު ވިދާޅުވެފައި ވަނީ 2018 ވަނަ އަހަރު ރިޔާސީ އިންތިހާބުގައި ލ.އަތޮޅުން އެމްޑީޕީ ކެންޑިޑޭޓް ކުރި ހޯދިކަމުގައިވިޔަސް މި އިންތިހާބުގައި އެކަން ބަދަލު ކުރައްވާނެ ކަަމަށެވެ.
ވަޒީފާއިން ކަނޑާލި ތިން މުވައްޒިފުން:
1. މިނިސްޓްރީ އޮފް ނޭޝަނަލް ޕްލޭނިން ހައުސިން އެންޑް އިންފްރާސްޓްރަކްޗަރގެ ސީނިއަރ އެގްޒެކްޓިވް ޑިރެކްޓަރގެ މަޤާމުގައި ހުންނެވި މުޙައްމަދު ހަނީފް
2. ލ.ފޮނަދޫ ޞިއްޚީ މަރުކަޒުގެ ސީނިއާރ އެޑްމިނިސްތްރޭޓަރ ހެލްތު ސާވިސްގެ މަޤާމުގައި ހުންނެވި ޙަސަން ހަލީލް
3. މިނިސްޓްރީ އޮފް ހެލްތުގެ ސީނިއަރ އެގްޒެކެޓީވް ޑިރެކްޓަރ ޑިރެކްޓަރގެ މަޤާމުގައި ހުންނެވި އިބްރާހިމް ސިރާޖު
މި ތިން މީހުން ވަޒީފާއިން ކަނޑާލުމުން ސިރާޖު ވިދާޅުވީ ސިޔާސީ މަސައްކަތް ކުރަނީ މަހު މުސާރައަށް ބަލައިގެން ނޫންކަމަށާއި، މަސައްކަތް ކުރަނީ ރައީސް ޞާލިހު ބަލި ކުރަން ކަމަށެވެ.
