ފޯއްމުލަކު ސިޓީގެ އަދާލަތު ޕާޓީ އުފެއްދުމުގައި އިސްކޮށް ހަރަކާތްތެރިވި އިސްބޭފުޅުން އެޕާޓީން ވަކިވެ، ރިޔާސީ އިންތިޚާބުގައި ޑރ.މުއިއްޒުއަށް ތާއީދުކުރިކަން ހަމަކޮށްފިއެވެ.
ފޯމުލަކަށް މުއިއްޒު ވަޑައިގެންނެވުމުން، އޮތް ދިގު ސަފުން ފެނިގެން ދިޔަ އެންމެ ތަފާތު މަންޒަރަކީ އަދާލަތު ޕާޓީގެ ޓީޝާޓުގައި 4 ނަމްބަރު ޖަހައިގެން މުއިއްޒުއަށް މަރުޚަބާ ކިޔަން ގޮސް ތިބި މީހުންނެވެ. މިމީހުންނަކީ އަދާލަތު ޕާޓީ ފުވައްމުލަކުގައި އުފެއްދި އެޕަޓީޣެ ފައުންޑަރުންނެވެ. އެމީހުން މުއިއްޒަށް މަރުހަބާ ދަންނަވަން ނުކުތީ މިހާރު އޮތް އާދަލަތު ޕާޓީއަށް ތާއިދު ނުކުރާކަން ހާމަކުރާށެވެ.
ދީނާ ގުޅޭ ސިޔާސަތުތަކަށް އިސްކަންދޭ އަދާލަތު ޕާޓީން މިވަގުތު އޮތީ ރައީސް އިބްރާހިމް މުހައްމަދު ސޯލިހާ އެކު ކޯލިޝަނުގައެވެ. ޕާޓީގެ އިސް ބޭފުޅުން ގެންދަވަނީ ރައީސްއާ އެކު ގަދައަށް ކެމްޕެއިން ކުރައްވަމުންނެވެ.
އަދާލަތު ޕާޓީގެ ފުވައްމުލަކު މެންބަރުންތަކެއް މުއިއްޒަށް މަރުހަބާކީ އިރު، އޭނާއާ އެކު އަދާލަތު ޕާޓީގެ ލީޑަޝިޕްގައި ކުރިން މަސައްކަތް ކުރެއްވި، ޑރ. މުހައްމަދު ޝަހީމް ވެސް ފުވައްމުލަކަށް މިއަދު ވަޑައިގެންނެވިއެވެ. ޝަހީމްގެ އިތުރުން އަދާލަތު ޕާޓީ މަޖިލީހުގައި ތަމްސީލް ކުރެއްވި ހަމައެކަނި މެންބަރު ޑރ. އަނާރާ ނައީމް ވެސް ވަނީ މުއިއްޒަށް ތާއިދުކުރައްވާފައެވެ.
ފުވައްމުލަކަށް މިއަދު ހަވީރު މުއިއްޒު ވަޑައިގެންނެވުމުން އޭނާއަށް ވަރަށް ހޫނު މަރުހަބާއެއް ކިޔެއެވެ. ގިނަ އަދަދެއްގެ މީހުން ސަފު ހަދައި މުއިއްޒާ ސަލާމް ކުރުމަށް އެއްވެ ތިބިއިރު އެކަމަށް ގާތްގަނޑަކަށް 45 މިނެޓް ވަރު ހޭދަވިއެވެ.
