ކެނދިކުޅުދޫ އަށް އިކޯ ޓްއަރިޒަމް މަޝްރޫއަކާއި ދެ ބަނދަރު ޤާއިމްކޮށް ދެއްވާނެކަމަށް ޕީއެންސީގެ ރިޔާސީ ކެންޑިޑޭޓް ޑރ. މުހައްމަދު މުއިއްޒު ވިދާޅުވެއްޖެެއެވެ.
ރިޔާސީ ކެމްޕޭންގައި ކެނދިކުޅުދޫ އަށް ވަޑައިގެން އެ ރަށުގެ ރައްޔިތުންނާ ވާހަކަދައްކަވަމުން ޑރ.މުއިއްޒު ވިދާޅުވީ، މިރަށުގެ ތަރައްގީ އާއި މި އަތޮޅުގެ ތަރައްގީއަށްޓަކައި ކަންކަން ކުރަން ވަރަށް ގިނަ ރައްޔިތުން ބޭނުންވާނެ ކަަމަށާއި ބޭނުންވާން ޖެހޭނެ ކަަމަށެވެ. ޑރ. މުއިއްޒު އަކީ ރަށަކީ އަތޮޅުގައި ފާހަގަކޮށްލެވޭ ބޮޑު ރަށަކަށް ވެފައި ދަތުރު ފަތުރު ކުރުމުގައި އެންމެ ބަނދަރެއް އޮތުމުން ދަތިތަކަކާ ކުރިމަތި ވާކަން އެމަނިކުފާނުގެ ސަމާލުކަމަށް އައިސްފައިވާ ކަމަށް ވަނީ ރައްޔިތުންނާ ވާހަކަ ދައްކަވަމުން ވިދާޅުވެފައެވެ.
އެއާ އެކީގައި މިރަށުގެ ބަނދަރުގެ މައްސަލަ ހައްލުކޮށްދޭނަން. ވަރަށް ބޮޑު ރަށެއް. ގާތްގަނޑަކަށް 4.7 ކިލޯމީޓަރ ދިގު މިނުގައި ހުންނަ ރަށެއްގަ އެންމެ ބަނދަރެއް އޮތުމަކީ އެންމެ ރަނގަޅު ގޮތެއް ކަމަށް ނުފެނެ. ދެ އަވަށަށް ދެ ބަނދަރު އޮވެއްޖާ ފަސޭހަ ވާނެ. އެހެންވީމަ އިރާދަކުރެއްވިއްޔާ އަޅުގަނޑުމެން އެގޮތައް މަޝްރޫޢުތައް ރާވާލާނަން.
– ޑރ.މުއިއްޒު ވިދާޅުވިއެވެ.
އޭގެއިތުރުން ޑރ.މުއިއްޒު ވަނީ ކެނދިކުޅުދޫގައި ޓުއަރިޒަމް ގެ މަޝްރޫއުތައް ކުރިޔަށް ގެންދަވާނެ ކަމަށް މުއިއްޒު ވަނީ ވިދާޅުވެފައެވެ. ޒުވާނުންނަށް ފަސޭހައިން އިންވެސްޓް ކުރެވިގެން ފައިސާ ލިބޭނެ ގޮތައް އިކޯ ޓޫރިޒަމް ފައްޓަވާނެ ކަމަށާއި އުންމީދަކީ ޒުވާނުންނަށް ވަޒީފަތައް ގިނަ އެ ފުރުސަތު ފަހިވެގެން ދިޔުން ކަމަށް ވެސް މުއިއްޒު ވަނީ ވާހަކައިގައި ފާހަގަކުރައްވާފައެވެ.
އޭގެ ސަބަބުން ޒުވާނުންނަށް ވަޒީފާ ލިބޭނެ. އާމްދަނީ ލިބޭނެ. ވަޒީފާ އަކީ ކޮންމެހެން އޮފީހަށް ދާ ވާހަކައެއް ނޫން. ވަޒީފާ އަޅުގަނޑު އެ ބަސް މި ބޭނުން ކުރަނީ ކޮންމެހެން ޑެސްކެއް ކައިރި އިނދެގެން ވަޒީފާ އަދާ ކުރުމެއް ނޫން. އާމްދަނީ ލިބޭނެ ކަމެއް އެއީ އަމިއްލަ ވިޔަފާރި އެއް ވިޔަސް ފުރުސަތު ދީގެން އާމްދަނީ ހޯދުން.
– ޑރ.މުއިއްޒު ވިދާޅުވިއެވެ.
PPM PNC Riyaasee Candidate Dr Mohamed Muizzu N.kendhikulhudhoo Rayyithunnaa badhdhalu kurevvun @MMuizzu#Vote4Muizzu #DrMuizzuSembe#DhiveheengeRaajje #FreePresidentYameen pic.twitter.com/bdFp2ZUet5
— Progressive Party of Maldives (@ProgressPartyMV) August 24, 2023
ޑރ.މުއިއްޒު ވަނީ ވާހަކައިގައި ކެނދިކުޅުދޫ އަށް އިތުރަށް ކޮށްދެއްވާނެ ތަރައްޤީގެ މަޝްރޫޢުތައް ވެސް ވިދާޅުވެދެއްވާފައެވެ. އެގޮތުން ކެނދިކުޅުދޫގައި ބަހުގެ ދަތުރުތައް ރަނގަޅުކޮށް، ސްކޫލުގެ އެކިއެކި ކަން ކޮށްދެއްވާނެ ކަމަށާއި ޚާއްސަ ކޮށް ސްކޫލުގައި ސައިންސް ކިޔަވާ ދަރިވަރުންނަށް ޚާއްސަ ސައިންސް ލެބެއް ޤާއިމް ކޮށްދެއްވާނެ ކަމަށް ވަނީ ވައުދުވެވަޑައިންނަވާފައެވެ.
