ރޭ ކަރަންޓު ކެނޑުނު، ގަލޮޅާއި މާފަންނުގެ ސަރަހައްދު ތަކަށް އަލުން ކަރަންޓު ދީފިއެވެ.
ސްޓެލްކޯއިން ބުނީ ރޭ ފުރަތަމަ ކަރަންޓު ކެނޑުނީ މާފަނުން ދިރާގު ހެޑް އޮފީސް ހިމެނޭ ސަރަހައްދުގައި ކޮންޓްރެކްޓަރަކު މަސައްކަތެއް ކުރުމުގެ ތެރޭ ސްޓެލްކޯގެ ޑިސްޓްރިބިއުޝަން ކޭބަލަކަށް ގެއްލުން ވުމުންނެވެ. އެ ކޭބަލް މަރާމާތު ކުރުމަށްފަހު އެކުން ފުނިން ވަނީ ގަޑިއިރެއްހާއިރުގެ ތެރޭގައި ކަރަންޓުގެ ހިދުމަތް މެދުކެނޑުނު ސަރަހައްދަށް އަލުން ކަރަންޓު ދީފައެވެ.
ދިރާގު ހެޑް އޮފީސް ހުންނަ ސަރަހައްދުގައި ކޮންޓްރެކްޓަރަކު މަސައްކަތެއް ކުރުމުގެ ތެރޭ މި ކުންފުނީގެ ޑިސްޓްރިބިއުޝަން ކޭބަލަކަށް ގެއްލުންވެ އެ ސަރަހައްދުގެ ބަޔަކުން ވަނީ ކަރަންޓުގެ ހިދުމަތް މެދު ކެނޑިފައި. ކޭބަލް މަރާމާތުކުރުމުގެ މަސައްކަތް މިހާރު ކުރެވެމުންދާއިރު pic.twitter.com/2yBwTLuDCw
— STELCO (@STELCOMALDIVES) July 7, 2023
މީގެ އިތުރުން ރޭ ދެން ކަރަންޓުގެ ޚިދުމަތް މެދުކެނޑުނީ ގަލޮޅުގެ ސަރަހައްދަކުންނެވެ. ސްޓެލްކޯއިން ބުނީ އެސަރަހައްދުންވެސް ކަރަންޓު ދިޔައީ ޑިސްޓްރިބިއުޝަން ކޭބަލަކަށް ދިމާވި މައްސަލައަކާ ގުޅިގެން ކަމަށެވެ. އަދި އެސަރަހައްދަށް އަލުން ކަރަންޓުގެ ހިދުމަތް ދީފައި ވަނީ ވަގުތީ ކޭބަލެއް އެޅުމަށްފަހު ކަމަށް ސްޓެލްކޯއިން ބުނެއެވެ.
ކަރަންޓު ކެނޑުމުގެ ސަބަބުން އެ ސަރަހައްދުތަކުގައި ދިރިއުޅެމުންދާ ފަރާތްތަކަށް ދިމާވި ދަތިތަކަށް ސްޓެލްކޯއިން ވަނީ މާފަށް އެދިފައެވެ.
