އއ. މަތިވެރި ބިން ހިއްކުމުގެ މަޝްރޫޢު ސަރުކާރުން މިއަދު އެމްޓީސީސީއާއި ހަވާލުކޮށްފިއެވެ.
މި މަޝްރޫޢު ހަވާލުކުރުމަށް މިއަދު ބޭއްވި ރަސްމިއްޔާތުގައ،ި އެމްޓީސީސީގެ ފަރާތުން ސޮއިކުރެއްވީ ޗީފް އެގްޒެކެޓިވް އޮފިސަރ އާދަމް އާޒިމްއެވެ. އަދި މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރގެ ފަރާތުން ސޮއިކުރެއްވީ، ޑިރެކްޓަރ ޖެނެރަލ،ް ފާތުމަތު ޝާނާ ފާރޫޤެވެ.
1,051 މީހުންގެ އާބާދީއެއް އޮންނަ އއ. މަތިވެރީގެ ރައްޔިތުން ޢާއްމު ގޮތެއްގައި މަސައްކަތް ކުރަނީ ފަތުރުވެރިކަމާއި މަސްވެރިކަމުގެ ސިނާއަތުގައެވެ. މިގޮތުން ކައިރި ރިސޯޓްތަކުގައި އެއްބައި ރައްޔިތުން މަސައްކަތްކުރާއިރ،ު ރަށުގެ ގެސްޓްހައުސް ވިޔަފާރީގައިވެސް ގިނަ އަދަދެއްގެ ރައްޔިތުން ޝާމިލްވެގެން އުޅެއެވ.ެ އެގޮތުން މި ރަށުގައި މިހާރުވެސް 10 ވަރަކަށް ގެސްޓްހައުސް އަންނަނީ ހިންގަމުންނެވެ.
ނަމަވެސ،ް 21.9 ހެކްޓަރުގެ މި ރަށް އެއްކޮށްހެން އާބާދުވެ ފުރިފައި އޮތުމާއެކ،ު ރަށުގައި ދިރިއުޅުމުގެ ބޭނުމަށާއ،ި ވިޔަފާރިއަށް ދޫކުރާނެ އިތުރު ބިމެއް ނެތުމުގެ ދަތިކަން ވަނީ މިރަށުގެ ރައްޔިތުންނަށް ދިމާވެފައެވެ. ހަމައެހެންމ،ެ މިފަދަ ގޮންޖެހުންތަކުގެ ސަބަބުން އެތަކެއް އަހަރުތަކެއް ވަންދެން ރަށުން ގޯތި ނުދެވި އޮތުމަކީ ރަށު ރައްޔިތުންގެ ޒަމާންވީ ޝަކުވާއެކެވެ.
MTCC has signed an agreement with @MoNPHImv towards implementation of Aa. Mathiveri Reclamation Project. CEO @adamazim signed on behalf of MTCC and Ms. Fathimath Shaana Farooq, DG, signed on behalf of Ministry.
Scope of works include, a sand search survey, 26.50 hectares… pic.twitter.com/M0ayL8kphS
— MTCC Plc (@MTCCPlc) August 15, 2023
މިއަދު ސޮއެކުރެވޭ މަތިވެރި ބިން ހިއްކުމުގެ މަޝްރޫޢުގެ މަސައްކަތް ނިމުމާއެކ،ު މަތިވެރި ރައްޔިތުންނަށް ބިން ނެތުމުގެ ސަބަބަބުން ރަށުގައި ދިރިއުޅުމަށާއ،ި ވިޔަފާރިކުރުމަށް އޮތް ދަތިތަކަށް ބޮޑުތަނުން ހައްލު ލިބިގެންދާނެއެވެ.
މި މަޝްރޫޢުގެ ދަށުނ،ް ސޭންޑް ސަރޗް ސަރވޭއެއް ހެދުމާއި 26.50 ހެކްޓަރުގެ ސަރަޙައްދެއްގެ ބިން ހިއްކުމުގެ މަސައްކަތް ހިމެނެއެވެ. މި މަޝްރޫޢަކީ 142.99 މިލިއަން ރުފިޔާއަށް 390 ދުވަސް ތެރޭ ނިންމުމަށް މިކުންފުންޏާއި ހަވާލުކޮށްފައިވާ މަޝްރޫޢުއެކެވެ. މި މަޝްރޫޢުގެ ޢަމަލީ މަސައްކަތް ފެށުމަށް ހަމަޖެހިފައިވަނީ އެންވަޔަރަންމަންޓަލް އިމްޕެކްޓް އެސެސްމަންޓެއް ހެދުމަށްފަހުއެވެ.
