އިލްމުވެރިންގެ ގުޅުމުގެ ފަރާތުން، އިދިކޮޅު ޕީއެންސީގެ ރިޔާސީ ކެނޑިޑޭޓް ޑރ. މުއިއްޒުއާއި ބައްދަލު ކޮށްފިއެވެ.
އިލްމުވެރިންގެ ގުޅުމުން ކޮށްފައިވާ ޓުވީޓެއްގައި ބުނެފައިވަނީ 2023ގެ ރިޔާސީ ކެނޑިޑޭޓު، މާލޭ ސިޓީ މޭޔަރ ޑރ.މުޙައްމަދު މުޢިއްޒުގެ ރިޔާސީ ސިޔާސަތުތަކާ ބެހޭ މަޢުލޫމާތު ސާފުކުރުމުގެ ގޮތުން ޢިލްމުވެރިންގެ ގުޅުމުން އިއްޔެ މުއިއްޒުއާއި ބައްދަލު ކޮށްފައިވާ ކަމުގައެވެ.
ރޭ ބޭއްވުނު މި ބައްދަލުވުމުގައި ރާއްޖޭގެ ގިނަ ދީނީ އިލްމުވެރިންވަނީ ބައިވެރި ވެފައެވެ. ރޭގެ ބައްދަލުވުމުގައި ޑރ. މުއިއްޒުގެ ރަނިންމޭޓް، ފަރެސްމާތޮޑާ ދާއިރާގެ މެމްބަރު ހުސެއިން މުހައްމަދު ލަތީފުވެސް ބައިވެރިވެޑައިގެންނެވިއެވެ.
މި ބައްދަލުވުމަށްފަހު، ނިންމަވާފައިވާ ނިންމެވުމެއް އިލްމުވެރިންގެ ގުޅުމުން ހާމަ ކޮށްފައި ނުވެއެވެ.
އިދިކޮޅު ކެނޑިޑޭޓެއްގެ ގޮތުގައި ނިކުންނަވާ ކެނޑިޑޭޓެއްގެ ގޮތުގައި ޑރ. މުއިއްޒު ހަމަޖެހިގެން ދިއުމާއެކު ދީނީ ގިނަ އިލްމުވެރިން ގެނަދަވަނީ ޑރ. މުއިއްޒު އެންޑޯސް ކުރަމުންނެވެ. އޭގެ ތެރޭގައި ދީނީ ޖަމިއްޔާއެއް ކަމުގައި ސަލަފް ޖަމިއްޔާގެ ދީނީ އިލްމުވެރިންވެސް ހިމެނެއެވެ.
