އިދިިކޮޅު ރިޔާސީ ކެނޑިޑޭޓް ރައީސް ޔާމީންގެ ކެނޑިޑޭޓެންސީ ފޯމާއިމެދު ނިންމާ ނިންމުމަކީ އިންސާފުވެރި އަދުލުވެރި ނިންމުމަށް ވާނެކަމަށް އުންމީދު ކުރައްވާ ކަމުގައި އެމަނިކުފާނުގެ އިންތިޚާބީ އޭޖެންޓް މުހައްމަދު ތޮލާލް ވިދާޅުވެއްޖެއެވެ.
ޔާމީންގެ ފަރާތުން، އެމަނިކުފާނުގެ ކެންޑިޑެސީ ފޯމު އީސީއަށް ހަވާލުކުރެއްވީ އިންތިހާބީ އެޖެންޓު އަދި ޕީޕީއެމްގެ ސެކްރެޓަރީ ޖެނެރަލް މުހައްމަދު ތޮލާލެވެ. އީސީގެ ފަރާތުން، ފޯމާ ހަވާލުވެވަޑައިގަތީ އެ ކޮމިޝަނުގެ ރައީސް ފުއާދު ތައުފީގުއެވެ. ފޯމު ހުށަހެޅުވުއްވުމަށްފަހު ތޮލާލް ވިދާޅުވީ ރައީސް ޔާމީނަކީ އިދިކޮޅު އެންމެ ބޮޑު ޕާޓީގެ ރިޔާސީ ކެނޑިޑޭޓަށްވެފައި އަދި ދިވެހި އެތައް ރައްޔިތުންގެ އުންމީދައި ގުޅިފައިވާ ކެނޑިޑޭޓަށް ވުމުން ރައީސް ޔާމީންގެ ކެނޑިޑޭސީއާއި މެދު ނިންމާ ނިންމުމަކީ އިންސާފުވެރި ނިންމުމަކަށް ވާނެކަމަށް އުންމީދު ކުރާކަމަށެވެ.
މާތް ރަސްކަލާންގެ ތަނަވަސް ރަޙުމަތްފުޅާއެކު، ދިވެހީންގެ އަދި ޕްރޮގްރެސިވް ކޯލިޝަންގެ ރިޔާސީ ކެންޑިޑޭޓް ރައީސް ޔާމީން ޢަބްދުލްޤައްޔޫމްގެ ކެންޑިޑަސީ ފޯމު މިއަދު އިލެކްޝަންސް ކޮމިޝަނަށް ހުށަހަޅައިފިން. ރައީސް ޔާމީންގެ ފޯމާއި މެދު އިލެކްޝަންސް ކޮމިޝަންގައި މިވަގުތު ތިއްބެވި 4 މެންބަރުން ނިންމަވާ ކޮންމެ ނިންމެވުމަކީ ވެސް ޤައުމާއި ޤައުމުގެ އާބާދީއާއި އަންނަން އޮތް ޖީލުތަކުގެ މަސްލަހަތާއި ގުޅުން ހުރި މުހިންމު ނިންމެވުމަކަށް ވާނެ. އިލެކްޝަންސް ކޮމިޝަންގެ ނިންމެވުމަކީ ޒިންމާދާރު، ނުފޫޒެއް ނެތި، މިނިވަން އިންސާފުވެރި އަދި ޢަދުލުވެރި ނިންމެވުމަކަށްވާނެ ކަމަށް އުންމީދު ކުރަން. މިއަހަރުގެ ރިޔާސީ އިންތިޚާބު ރައީސް ޔާމީން ކާމިޔާބުކުރައްވާނީ ތަފާތު ބޮޑުކޮށް.
– ތޮލާލް ވިދާޅުވިއެވެ.
ފޯމު ހުށަހެޅުމަށްފަހު ނޫސްވެރިންނާއި ވާހަކަ ދައްކަވަމުން ރައީސް ޔާމީންގެ ރަނިން މޭޓް ޑރ.ޖަމީލް ވިދާޅުވީ ރައީސް ޔާމީނަށް އިންތިޚާބުގައި ވާދަކުރުމާއި ގޮތެއް ސާފުވާނީ ޤާނޫނީ މަރުހަލާ ތެރެއިން ކަމަށެވެ. އެކަމަކީ ޝައްކު އޮތް ކަމެއް ނޫން ކަމަށާއި، ރައީސް ޔާމީނަށް އިއްވާފައިވާ ޖަލު ހުކުމުން ސަލާމަތްވެ މި އިންތިޚާބުގައި އެމަނިކުފާނު ވާދަ ކުރައްވާނެކަމީ ޝައްކު ކުރައްވާ ކަމެއް ނޫންކަމަށް ޖަމީލް ވިދާޅުވިއެވެ.
ޖަމީލް ވިދާޅުވީ ރައީސް ޔާމީންގެ ފޯމު ހުށަހެޅުމުން މިއަދުން މިއަދަށްވެސް އެމަނިކުފާނު ގެއަށް ބަދަލު ކުރުމަކީ ވަރަށް ބޮޑު އެދުމެއްކަމަށެވެ. ރައީސް ޔާމީނަކީ އެތައް ރައްޔިތުންނެއްތެ ތާއީދާއި ލޯބި ލިބިފައިވާ ކެނޑިޑޭޓަކަށްވާއިރު، އިސާފުން ކަންކަން ކުރަންޖެހޭކަމަށް 2013 ވަނަ އަހަރުގެ އިންތިޚާބުގައިވެސް ރައީސް ޔާމީންގެ ފުރަތަމަ ނައިބް ރައީސްކަން ކުރެއްވި ޖަމީލް ވިދާޅުވިއެވެ.
