ކުރިއަށް އޮތް ރިޔާސީ އިންތިޚާބުގައި އިތުރު ކެނޑިޑޭޓެއްގެ ވިސްނުމެއް ނެތްކަމަށާއި، އޮތް ހަމައެކަނި ނަމަކީ ރައީސް ޔާމީންގެ ނަންފުޅު ކަމަށް ޕީޕީއެމްގެ މާލެ ސިޓީ ކައުންސިލަށް ނިސްބަތްވާ "މަޑިސީލަ" ޕްރޮގުރާމު ހުށަހަޅާ ދެ މެމްބަރުން ވިދާޅުވެއްޖެއެވެ.
މާލެ ސިޓީ ކައުންސިލްގެ ޑެޕިއުޓީ މޭޔަރު އަހުމަދު ނަރީޝް ވިދާޅުވީ އޭނާގެ މުޅި ސިޔާސީ ހަޔާތް ބިނާވެފައިވަނީ ރައީސް ޔާމީންއާއި އެކުގައި ކަމަށެވެ. އަދި ކުރިއަށް އޮތް ރިޔާސީ އިންތިޚާބުގައިވެސް އަދި އެހެން އިންތިޚާބެއްގައިވެސް ރައީސް ޔާމީންގެ ސިޔާސަތައި ފިކުރާއި ޚިލާފަށް މަސައްކަތް ނުކުރާނެކަމަށެވެ.
އަޅުގަނޑާއި އަޅުގަނޑުގެ އާއިލާއާއި ދަންނަ ހުރިހާ ރައްޓިހިން ސިޔާސީ ހަޔާތުގައި ތައީދު ކުރާ އަދި އެބޭފުޅަކަށް ސިޔާސީ މަސައްކަތް ކޮށްދޭނެ ހަމައެކަނި ބޭފުޅަކީ ރައީސް ޔާމީން! އެނޫން ކެނޑިޑޭޓަކަށް ތާއީދު ކުރާނެ ދުވަހެއް ނާންނާނެ.
– ނަރީޝް ވިދާޅުވިއެވެ.
ނަރީޝްގެ އިތުރުން އައިފާން ވިދާޅުވީ އެއްވެސް ބަޔަކު ހަގީގަތާއި ޚިލާފް ވާހަކަ ފެތުރުމަކީ ބަލައި ގަނެވޭނެ ކަމެއް ނޫންކަމަށެވެ. އަދި އޭނާއާއި އޭނާގެ އާއިލާއާއި ރައްޓިހިންގެ ފުރިހަމަ ތާއީދު އޮތީ ރައީސް ޔާމީނަށް ކަަމަށާއި، އެނޫން ކެނޑިޑޭޓަކަށް މިފަހަރުގެ އިންތިޚާބުގައި ތާއީދު ކުރުމެއް ނެތްކަމަށެވެ.
އަޅުގަނޑުގެ ވޯޓުވެސް ތާއީދުވެސް އަދި ހެޔޮއެދޭ މީހުންނާއި އާއިލާ މީހުންވެސް ވޯޓު ލާނީ ރައީސް ޔާމީނަށް! އިތުރު ޗޮއިސްއެއް ނޯންނާނެ!
– އައިފާން ވިދާޅުވިއެވެ.
ޕީޕީއެމްގެ "މަޑިސީލަ ޓީމު"ގައި ހިމެނޭ ފަރާތްތަކަކީ ރައީސް ޔާމިނަށް އިޚްލާސްތެރި އަދި ރައީސް ޔާމިންގެ އަނބިކަބަލުން މެޑަމް ފާތުންއާއިވެސް ގާތް ގުޅުމެއް އޮންނަ ފަރާތްތަކެއްކަން ފާހަަގަ ކޮށްލެވެއެވެ.
ގާނޫނީ ގިނަ ބޭފުޅުން ވިދާޅުވާ ގޮތުގައި، ހައިކޯޓުގައި ކުރިޔަށްދިޔަ ރައީސް ޔާމިންގެ ޝަރީއަތް ނިމުމަކަށް ނައުމާއި، ރައީސް ޔާމިނަށް ކުރިމަތިވެފައިވާ ގާނޫނީ މައްސަލަތައް ހައްލުވެ ކުރިޔަށް އޮތް 10 ވަރަކަށް ދުވަހުގެ ތެރޭގައި ރިޔާސީ އިންތިޚާބުގައި ވާދަކުރުމުގެ ފުރުސަތު ދެން ރައީސް ޔާމިނަށް ފަހިވެގެން ދިއުމަކީ ވުމަށްވުރެ ނުވުން ކައިރި ކަމެކެވެ. ނަމަވެސް ޕީޕީއެމްއިން ދަނީ ރައީސް ޔާމީން ކުރިމަތިލުމަށް ކުރަންޖެހޭ ޤާނޫނީ ފޯމުތައް ފުރައި އެމަސައްކަތް ކުރަމުންނެވެ.
One Response
ޢެހެން ވިއްޔާ މަނިކުފާނަކަށް ވޯޓުލާކަށް ޖެހިވަޑައިނުގަންނަވާނެ