ރިޔާސީ އިންތިހާބުގެ ކެމްޕޭނަށް ރައީސް އިބްރާހީމް މުހައްމަދު ސޯލިހު ހއ. އަތޮޅަށް ކުރައްވާ ދަތުރުފުޅު ފައްޓަވައިފިއެވެ.
ހއ.އަށް ކުރައްވާ ދަތުރުގައި އެންމެ ފުރަތަމަ ރައީސް ވަޑައިގެންނެވީ ހޯރަފުއްޓަށެވެ. ހޯރަފުއްޓަށް ވަޑައިގަތުމުން އެ ރަށުން ވަނީ ހޫނު މަރުހަބާއެއް ދަންނަވާފައެވެ. މި ދަތުރުފުޅުގައި ބައެއް ވަޒީރުންނާއި ރައްޔިތުންގެ މަޖިލީހުގެ ބައެއް މެންބަރުން ބައިވެރިވެވަޑައިގަންނަވައެވެ.
އަންނަ ރިޔާސީ އިންތިހާބުގެ ކެމްޕޭންގައި ރައީސް ސޯލިހު ވަނީ ވ. އަތޮޅާއި މ. އަތޮޅުގެ ހުރިހާ ރަށަކަށް ވަޑައިގެންފައެވެ. ރައީސްގެ ކެމްޕޭން މިހާތަނަށް ވަނީ ށ. އަތޮޅާއި ކ. އަތޮޅުގެ ބައެއް ރަށްތަކަށްވެސް ވަޑައިގެންފައެވެ.
އެމްޑީޕީގެ ރިޔާސީ ކެންޑިޑޭޓް ރައީސް @ibusolih ހއ.ހޯރަފުއްޓަށް ވަޑައިގަތުމުން ހޫނު މަރުޚަބާއެއް ދަންނަވައިފި.
ރިޔާސީ އިންތިޚާބުގެ ކެމްޕެއިންއަށް ރައީސް @ibusolih ހއ.އަތޮޅަށް ކުރައްވަމުން ގެންދަވާ ދަތުރުފުޅު.
#Ibu2023
#VoteMDP
#UfaaveriAmaanRaajje pic.twitter.com/ECTx56wS5s— MDP Secretariat (@MDPSecretariat) July 19, 2023
އެމަނިކުފާނުގެ ކެމްޕޭން ރަސްމީކޮށް ފެއްޓެވީ ށ. ފޯކައިދޫގައި ކޯލިޝަން ބައިވެރިންނާ އެކު ބޭއްވި ބޮޑު ޖަލްސާއެއްގައެވެ. ރައީސް ޞާލިހަށް ރިޔާސީ ޓިކެޓް ކަށަވަރުވީ އެމްޑީޕީގެ ކުރީގެ ރައީސް މުހައްމަދު ނަޝީދާއި ވާދަކޮށް، ޕްރައިމަރީ ކާމިޔާބު ކޮށްގެންނެވެ.
ކޮމެންޓު ފޮނުވާ