އެމްޑީޕީގެ ކުރީގެ ރައީސް މުހައްމަދު ނަޝީދު މިރޭ ޑިމޮކްރެޓްސް ޕާޓީއަށް ސޮއި ކުރައްވާ އެޕާޓީއާއި ގުޅިވަޑައިގަތުމަށް ޚާއްސަ ޖަލްސާއެއް ބޭއްވުމަށް ހަމަޖެހިއްޖެއެވެ.
ނަޝީދު އިސްވެ ހުންނަވާ، މިހާރު އުފައްދާފައިވާ، އަމިއްލަފުޅު ޕާޓީއަށް މިރޭ ސޮއިކުރެއްވުމަށް ހަމެޖެހިފައިވާއިރު، އޭނާ ގެންދަވަނީ އެޕާޓީގެ ހަރުގެ ޖަލްސާތަކުގައި ބައިވެރިވެޑައިގަންނަވަމުންނެވެ.
އަދި ނަޝީދު ވަނީ، "ދަ ޑިމޮކްރެޓްސް" ޕާޓީ އުފެއްދުމަށް ފާއިތުވެދުޔަ ޖުލައިމަހު 5 ވަނަ ދުވަހު އިއްޔާސުއްދީން ސްކޫލުގައި ބޭއްވުނު ޖަލްސާގައި ބައިވެރިވެވަޑައިގެން، އެ ޖަލްސާގައި ވާހަކަވެސް ދައްކަވާފައެވެ.
ދަ ޑިމޮކްރެޓްސް ޕާޓީ އުފެއްދުމުގެ ހުއްދަ އިލެކްޝަންސްއިން މިމަހު ކުރީކޮޅު ދޫކުރުމާއެކު އެޕާޓީންވަނީ، ޕާޓީ އުފެއްދުމަށް ބާއްވަންޖެހޭ ޖަލްސާ މިމަހުގެ 5 ވަނަ ދުވަހުގެ ރޭ 8:30 ގައި އިޔާސުއްދީން ސްކޫލުގައި ބާއްވާފައެވެ. އެޖަލްސާގައިވަނީ ޕާޓީގެ ލޯގޯއާއި ނަމާއި ކުލަ ފާސްކޮށް، ޕާޓީގެ ވަގުތީ ޗެއަރޕާސަންއަކަށް ރައްޔިތުންގެ މަޖިލިހުގެ މެމްބަރުން ހަސަން ލަތީފު ހަމަޖައްސާފައެވެ.
ދަ ޑިމޮކްރެޓްސް އަކީ ރައީސް ނަޝީދަށް ތާއިދު ކުރައްވާ ފަރާތްތަކުން އުފައްދަވަން މަސައްކަތް ކުރައްވާ ސިޔާސީ ޕާޓީއެކެވެ. ދަ ޑިމޮކްރެޓްސް' އުފެއްދުމުގެ މަސައްކަތް ކުރުމުގެ ހުއްދަ އިލެކްޝަންސް ކޮމިޝަނުން ދީފައިވަނީ 2023 މެއި 24 ވަނަ ދުވަހުއެވެ. ހަފްތާއެއްގެ ތެރޭގައި ޕާޓީ އުފެއްދުމަށް ބޭނުންވާ އަދަދަށް ސޮއި ހަމަކޮށް ޖޫން 1 ގައި 3،560 ފޯމު އެ ޕާޓީން އީސީއަށް ހުށަހަޅާފައިވެއެވެ.
