މެންޗެސްޓާ ސިޓީގެ ކީޕަރު އެޑާސަން މިހާރު ދަނީ އާއިލާއާއެކު މޯލްޑިވްސްގައި ޗުއްޓީ ހޭދަކުރަމުންނެވެ.
އޭނާ ވަނީ ކަނޑިމާ މޯލްޑިވްސް ރިސޯޓުގައި ހޮޓަލުގެ މުވައްޒަފުންނާއި މެހެމާނުންނާއެކު ފުޓްބޯޅަ ކުޅޭ ފޮޓޯއެއް ސޯޝަލް މީޑިއާއަށް ދޫކޮށްލާފައެވެ.
ބްރެޒިލްގެ ކުޅުންތެރިޔާ މި މަހު މެން ސިޓީއަށް އެނބުރި އައުމުގެ ކުރިން ރާއްޖޭގައި ޗުއްޓީ ހޭދަކޮށް ފުރުސަތުގެ ބޭނުން ހިފަމުން އަންނަނީ އޭނާގެ ހުނަރު ދައްކާލައި އަމިއްލަ ނަފްސު ފިޓްކޮށް ބެހެއްޓުމަށެވެ. އޭނާ ވަނީ ރިސޯޓުގައި ތިބި ފޭނުންނާ އެކު އޮޓޯގްރާފް ސޮއިކޮށް ފޮޓޯ ނަގަން ވެސް ޕޯޒްކޮށްހަދާފައެވެ.
ސިޓީން ވަނީ ޔުއެފާ ޗެމްޕިއަންސް ލީގުގެ ތަށި އެ ކްލަބްގެ ތާރީޚުގައި ފުރަތަމަ ފަހަރަށް މިސީޒަންގައި ކާމިޔާބުކޮށްފައެވެ. މީގެއިތުރުން ޑޮމެސްޓިކް ދެ ތަށި ކަމަށްވާ އިނގިރޭސި ޕްރިމިއަރ ލީގުގެ އިތުރުން އިނގިރޭސި އެފްއޭ ކަޕް ކާމިޔާބުކޮށް، މި ސީޒަންގައި އެ ޓީމުން ވަނީ ތިން ތަށި ކާމިޔާބުކޮށްފައެވެ. މީގެކުރިން ޗެމްޕިއަންސް ލީގުގެ ތަށި ހިމެނޭ ގޮތަށް ތިން ތަށި ކާމިޔާބުކޮށްފައިވަނީ 1999 ވަނަ އަހަރުގެ ސީޒަނުގައި ވާދަވެރި މެންޗެސްޓާ ޔުނައިޓެޑެވެ.
މިކާމިޔާބީތަކުގަިއ ސިޓީގެ އެއް ނަންބަރު ކީއްޕަރުގެ ދައުރު ބޮޑެވެ.
