ކުރިއަށް އޮތް އީދު ބަންދަށްފަހު އިދިކޮޅު ކޯލިޝަންގެ ކެޕްއިން ދަތުރުތައް ފަށައި މެނިފެސްޓޯ އިއުލާން ކުރުމަށް ހަމަޖެހިފައިވާކަމަށް އެމަނިކުފާނުގެ ކެމްޕެއިން މެނޭޖަރު ގައުމީ އެއާލައިން، މޯލްޑިވިއަންގެ ކުރީގެ ފްލައިޓް އޮޕަރޭޝަންސް ޑިރެކްޓަރު މުހައްމަދު އަމީން ވިދާޅުވެއްޖެއެވެ.
އަމީން ވިދާޅުވަނީ ކެމްޕެއިން ހަރަކާތްތައް މުޅި ރާއްޖޭގައި ކުރެވިގެންދާނެކަމަށެވެ. މިހާރު ނިންމާފައިވަނީ ދަތުރުތައް އީދު ބަންދަށްފަހު ފަށުމަށް ކަމަށެވެ. މިހާރު ވަނީ ދާއިރާތަކުގެ ހިންގާ ކޮމެޓީތައް އެކުލަވާލައި ޕާޓީގެ ސަފުތައް ރުކުރުވާލާފައި ކަމަށެވެ. އަމީން ވިދާޅުވީ ކެމްޕެއިންގެ ދަތުރުތައް ފެށުމާއިއެކު މެނިފެސްޓޯވެސް އިއުލާން ކުރެވިގެންދާނެކަމަށެވެ.
މެނިފެސްޓޯގެ ގިނަ މަސައްކަތްތަކެއްވެސް މިހާރު ނިމިފައިވާއިރު، އީދު ބަންދަަށްފަހު ރައްޔިތުންނާއި ހަމައަށް މެނިފެސްޓޯ ހިއްސާ ކުރެވޭނެކަމަށެވެ. އޭނާ ވިދާޅުވީ ރައީސް ޔާމީން ވެރިކަމަށް ކުރިމަތި ލައްވަނީ ޤައުމީ މިނިވަންކަމާއި ސިޔާދަތާއި އިސްތިގުލާލު ހިމާޔަތް ކުރުމަށް ކަމަށެވެ.
ގެއްލިފައިވާ ކަނޑުގެ ސަރަހައްދާއި، މިނިވަންކަމަށް ބުރޫއަރާފައިވާ އެތައްކަމެއް އަދި ރައްޔިތުންގެ އާންމު ދިރިއުޅުމު ހާލަތަށްވެސް ދިމާވެފައިވާ އެންމެހާ ކަންތައްތަކުން ހައްލު ހޯއްދެވުމަށްކަމަށެވެ.
ރައީސް ޔާމީނަށް ރިޔާސީ އިންތިޚާބުގައި ވާދަކުރެވޭނެ. އެކަމަކަށް ޝައްކެތް ނުކުރަން. އަޅުގަނޑުމެން މި ތައްޔާރުވަނީ އެމަނިކުފާނުގެ ކެމްޕެއިން ފެށުމަށް.
– ކެމްޕެއިން މެނޭޖަރު އަމީން ވިދާޅުވިއެވެ.
އަމީން ވިދާޅުވީ ކުރިއަށް އޮތް އިންތިޚާބުގައި ރައީސް ޔާމީން ވާދަ ކުރައްވާނެކަމަށެވެ. އަދި އެމަނިކުފާނު 2023 ވަނަ އަހަރު އިންތިޚާބު ކާމިޔާބުކޮށް ހުވާވެސް ކުރައްވާނެކަމަށެވެ. އަދި މިހާރު އެމަނިކުފާނު ތަންފީޒު ކުރަމުންދާ ޖަލު ހުކުމުން ސަލާމަތްވާނެ ކަމުގެ ޔަގީންކަން އޮތްކަމަށެވެ.
ރައީސް ޔާމީން މިހާރު ތަންފީޒު ކުރަމުންދާ 11 އަހަރުގެ ޖަލު ހުކުމުގެ އިސްތިއުނާފް އަޑު އެހުންތައް ހައިކޯޓުގައި ދަނީ ކުރިއަށެވެ. އަދި ފުއްގގިރި މައްސަލައިގެން ޝަރީއަތްވެސް ދަނީ ހިނގަމުންނެވެ.
