ކޮމަންވެލްތު ފައުންޑޭޝަނުން އެކުލަވައިލާ މަދަނީ ޖަމިއްޔާތަކާއިބެހޭ ހާއްސަ ބޯޑުން އޭޝިޔާ ތަމްސީލުކޮށްދޭ ގަވަރުނަރުގެ ގޮތުގައި, ވިމެން އެންޑް ޑިމޮކްރަސީ ޖަމިއްޔާގެ ބާނީ ސާފަތު އަހުމަދު ޒާހިރު އައްޔަން ކުރެވިއްޖެއެވެ.
މިއަހަރުގެ ފެބްރުއަރީ މަހު ހުޅުވާލެވުނު ފުރުސަތުގެ ދަށުން ކޮމެންވެލްތުގެ 5 ސަރަހައްދު ކަމުގައިވާ, އެފްރިކާ, އޭޝިޔާ, ކެރޭބިޔަން އެންޑް އެމެރިކާސް, ޕެސިފިކް އަދި ޔޫރަޕް, މިއިން ކޮންމެ ސަރަހައްދަކުން 1 ގަވަރުނަރު އައްޔަންކުރުމަށް ވަނީ ހަމަޖެހިފައެވެ. އޭޝިޔާއިން ކުރިމަތިލި 600 އެއްހާ ފަރާތްތަކުގެ މެދުން މިސަރަހައްދުން މި ފަހަރުވެރި މަގާމަށް ހޮވިފައިވަނީ ސަފާތުއެވެ.
ކޮމަންވެލްތުގެ މަދަނީ ޖަމިއްޔާތަކާއި ބެހޭ ހާއްސަ ބޯޑުގައި އޭޝިޔާ ބައްރު ތަމްސީލުކޮށްދޭ ގަވަރުނަރުގެ ހައިސިއްޔަތުން ކޮމަންވެލްތް ފައުންޑޭޝަންގެ ޑިރެކްޓަރ ޖެނެރަލްއާއި ގާތުން މަސައަކަތް ކުރުމުގެ ފުރުސަތު ލިބުމުގެ އިތުރުން ކޮންޓެންޓު އެޑްވައިޒަރީ ކޮމިޓީ ފޯރ ކޮމަސްވެލްތް ޕީޕަލް އަދި ކޮންމެ އަހަރަކު ބާއްވާ ބޯޑް އޮފް ގަވަނާރސް ބައްދަލުވުންތަކާއި އަދިވެސް އެހެނިހެން އެގްޒެކެޓިވް ކޮމިޓީތަކުގެ ބައްދަލަވުންތަކުގައި އޭޝިޔާ ތަމްސީލުކުރުމުގެ ފުރުސަތު ލިބިގެންދެއެވެ.
ސަފާތުގެ އުންމީދަކީ މިފަދަ މުހިއްމު މަގާމެއގައި ހުރެ ކޮމަންވެލްތުގެ ލަނޑުދަނޑިތައް ކަމުގައިވާ މިންތީގެ ހަމަހަމަކަން, ޑިމޮކްރަސީ އަދި އިންސާނީ ހައްގުތައް ހިފެހެންޓުން ފަދަ ކަންކަން ހާސިލްވާނޭ ފަދައިން އޭޝިޔާ ސަރަހައްދުގެ މަދަނީ ޖަމިއްޔާ ޖަމާއަތްތަކުގެ ލާބައާއި މަންފާއަށް މަސައްކަތްކުރުމެވެ. އެގޮތުން އެފަރާތްތަކުގެ އަޑުއުފުލައިދީ ކުރިއަށް އޮތް މުސްތަގުބަލުގައި ލިބޭ ފުރުސަތުތައް ފަހިކޮށްދީ އޭޝިޔާ ސަރަހައްދުގެ ކުރިއެރުމަށް މަސައްކަތްކުރުމަކީ އޭނާގެ އަޒުމެވެ.
I am deeply humbled and honored to have been appointed as one of the five Civil Society Advisory Governors (CSAG) to the Board of the @commonwealthorg. Over the next two years, I’ll serve the Asian Region within the CSAG mechanism and pledge to be a strong advocate for the voices… pic.twitter.com/PaFfQH5eRo
— Safaath Ahmed (@safaathahmed) June 16, 2023
މިފަދަ މަގާމެއްގައި ރާއްޖޭގެ ގާބިލް ޒުވާނަކަ ހުރުމަކީ ގައުމުގެ ކުރިއެރުމަށްވެސް ލިބޭ އިތުރު އެހީއެއްކަން ހަމަގައިމެވެ. ކޮމަންވެލްތާއި އެފައުންޑޭޝަންގެ އެކިއެކި ސަރައްދު ތަކާއި އޮންނަ ގުޅުން ބަދަހިކުރެވި ބައިނަލް އަގުވާމީ މާއިދާނުގައި ރާއްޖޭގެ އެއްބާރުލުން އިރުވެގެންދާނެކަމެއްވެސްމެއެވެ.
