ރައްޔިތުންގެ މަޖިލިހުބެ ތަޅުމުގައި ނަޝީދުގެ ގައިގަ ތަޅަން މުޢުނީ ފޮނުވިކަމުގެ ތުހުމަތު ނަޝީދު ހުޅުމާލެ ދާއިރާގެ މެމްބަރު އަދި ރައީސް ސާލިހުގެ ކޮއްކޮ އަލީ ނިޔާޒަށް ކޮށްފިއެވެ.
ރައްޔިތުންގެ މަޖިލިހުގެ މީދޫ ދާއިރާގެ މެމްބަރު ރޮޒައިނާ އާދަަމް ޓުވީޓު ކުރި ވީޑިއޯއަކުން ފެންނަ ގޮތުގައި ނަޝީދު ރުޅިވެރިކަމާއެކު ވަޑައިގެން، މަޖިލިސް ކުޑައެއްގެ ދަށުގައި އިންނެވު ހުޅުމާލޭ މެމްބަރު އަލީ ނިޔާޒަށް އަތުން އިޝާރާތްކޮށް ވިދާޅުވިކަމަށް ވީޑިއޯއިން އަޑު އިވެނީ 'ކަލޭ މީހުން ނުފޮނުވައްޗޭ މަގޭ ގަޔަށް އަރަން" މި އިބާރާތެވެ.
މި ވިޑިއޯގައި ނަޝީދު ވިދާޅުވެފައިވަނީ މި އިބާރާތްކަމަށްވެސް ބައެއް މެމްބަރުން "ޚަބަރު އޮންލައިން" އާއި ވާހަކަ ދައްކަވަމުން ވިދާޅުވެފައި ވެއެވެ.
މަޖިލިސް ތެރޭ މަޖިލިސް ރައިސް މެންބަރުންނަށް އިންޒާރުދީ ބިރުދައްކަމުންދާ މައްސަލައަކީ ސީރިއަސް މައްސަލައެއް.
މެންބަރުންގެ ރައްކާތެރިކަން ކަށަވަރުކޮއްދޭންޖެހޭ ފަރާތުން މިއަދުއެތައްމެންބަރުންނަކަށް ބިރުދައްކާ، މަޖިލިސް ނައިބުރައިސްގެ މައްސަލަ އަނބުރާގެންދަންއަންގާއިންޒާރުދީފި! pic.twitter.com/Dln6rHOT8K— 𝐌𝐏 𝐑𝐨𝐳𝐚𝐢𝐧𝐚 𝐀𝐝𝐚𝐦 (@Roxeyna) June 6, 2023
ނަޝީދު މެމްބަރު ނިޔާޒަށް ތުހުމަތު ކޮށް އިންޒާރު ދީފައިވާއިރު، ރާއްޖެއާއި މޮރިޝަސްގެ ކަނޑުގެ ފުށުއަރާ ސަރަޙައްދުގެ އިން ވަކި ކުރުމުގެ މައްސަލައިގައި އިއްޔެ މަޖިލީހުގައި ކުރިއަށްދިޔަ ބަންޑާރަ ނައިބް އިބްރާހިމް ރިއްފަތުގެ އިތުބާރު ނެތްކަމުގެ މައްސަލާއިގައި ތަޅުމުގައި ކަންކަން ހިނގައިދިޔަ ގޮތުން ތިނަދޫ އުތުރު ދާއިރާގެ މެންބަރު އަބްދުލް މުޣުނީ ވަނީ މަޖިލިސް ރައީސް މުހައްމަދު ނަޝީދަށް އިންޒާރުދީ، ބަހުގެ ހަމަލާތަކެއް ދެއްވާފައެވެ.
އެގޮތުން މަޖިލިސް ރައީސް ރިޔާސަތުން ފައިބައިގެން އެމްޑީޕީގެ ޕީޖީ ލީޑަރު އަސްލަމާއި މަޝްވަރާ ކުރެއްވުމަށް ވަޑައިގެންނެވި ވަގުތު މުޢުނީ ވަނީ ވަރަށް ބޮޑަށް ކޯފާ އިސްކުރައްވައި، ރައީސް ނަޝީދާއި ދިމާލަށް ވަޑައިގެން އިންޒާރުދީ ބަހުގެ ހަމަލާތައް ބަދަލުކޮށްފައެވެ.
މިހާރު ސޯޝަލް މީޑިއާގައި އާންމުވެފައިވާ، މުޢުނީ ނަޝީދަށް އިންޒާރު ދޭ ވީޑިއޯއިން އިވޭ ގޮތުގައި، މުޢުނީ ނަޝީދަށް ނިސްބަތްކޮށް ވިދާޅުވެފައިވަނީ "ތަޅާލަން ޖެހޭ ހިސާބަށް ގޮސްފައި ތިހުރީ މިހާރު، ހޭބަލިވެފައޭ ތިހުރީ،" މިއިބާރާތެވެ.
މުގުނީ ވަރަށް ނާތަހުޒީބު ރާގަކަށް، ނާތަހުޒީބު ފާޑަކަށް، ނާތަހުޒީބު ބަހުރުވައަކުން، ނާތަހުޒީބު ޕޮސްޗާ އަކަށް ހުރެ، ނާތަހުޒީބު ގޮތަކަަށް ބަލަމުން، ނާތަހުޒީބުގޮތަކަށް ފަހަތުން އަންނަމުން، ނާތަހުޒީބުގޮތަކަށް އަތްހޫރުވާ ވީޑިޔޯއެއް. ތިނަދޫ މީހުން ތިބީ ލަދުން.
— Hassan Kurusee (@HKurusee) June 5, 2023
އިއްޔެގެ ޖަލްސާގައި ކަންކަން ހިނގާދިޔާ ގޮތުން މަޖިލީހުގެ ބައެއް މެމްބަރުން ވަނީ މަޖިލީހުގެ ރައީސަށް އިތުބާރު ނެތްކަމަށް ވިދާޅުވެފައެވެ. އަދި ދައުލަތުގެ ބަންޑާރަ ނައިބުގެ އިތުބާރު ނެތްކަމުގެ މައްސަލަ ކުރިޔަށް ނުގެންގޮސް ނަޝީދު މިއަދުގެ ޖަލްސާގައި ޕާކް ކުރުމާއި ގުޅިގެން އެމްޑީޕީގެ މެމްބަރުން ވަނީ ނަޝީދަށް މުގާބޭއަށް ގޮވާ މަޖިލިސް ހުއްޓުވާފައެވެ.
ކޮމެންޓު ފޮނުވާ