އެސް ޕްރޮޑަކްޝަންސް އާއި ސެޓަރން ސްޓޫޑިޔޯ ގުޅިގެން އުފައްދާފައިވާ ދިވެހި ފިލްމް "ލޯބިވެވިއްޖެ"ގެ ޝޯތައް އޮލިމްޕަހުގައި އަންނަ މަހާ ހަމައަށް ކުރިއަށް ގެންދާނެ ކަމަށް ބުނެފި އެވެ.
އެހެން ކަމުން މި މަހުގެ 3 ގައި އޮލިމްޕަސް ސިނަމާގައި ޕްރީމިއާކުރި މި ފިލްމްގެ ވަދާއި ދެ ޝޯވ އެއް ބޭއްވުމަށް ފިލްމް މޭކާ އިން މިހާރު ވަނީ ނިންމާ އެކަން އިއުލާން ކޮށްފައިއެވެ.
އެގޮތުން އަންނަ ޖޫން މަހުގެ 2 ވަނަ އަދި 3 ވަނަ ދުވަހުގައި މި ފިލްމްގެ ވަދާއި ޝޯވ ކުރިއަށް ގެންދިއުމަށް ނިންމާ މިހާރު އަންނަނީ އެކަން އިއުލާން ކުރަމުންނެވެ.
View this post on Instagram
"ލޯބިވެވިއްޖެ" އަކީ 2020 ވަނަ އަހަރު ޑިސެމްބަރު 24 ވަނަ ދުވަހު ގދ. ތިނަދޫގައި ޝޫޓީންގ ފެށި ފިލްމެކެވެ. ފިލްމްގެ މަންޒަރުތައް ނަގާފައިވަނީ ގދ.ތިނަދޫ، މާލެ ސިޓީގެ އިތުން ސްރީލަންކާގެ ކޮލަމްބޯ އާއި ނުއަރަލިޔާގައެވެ.
ބޮޑު ބަޖެޓަކުން އުފައްދާފައިވާ މި ފިލްމުގެ މައިގަނޑު ކާސްޓުންގެ ގޮތުގައި ފިލްމްގެ ޑައިރެކްޓަރ ޢަލީ ސީޒަންގެ އިތުރުން މަރިޔަމް ޢައްޒަ، އާމިނަތު ރިޝްފާ، އަޙުމަދު ޢީސަ (އާނަންދު)، ޢަލީ ޢާޒިމް (ދޮން އައްޔަ)، އަޙްމަދު ނިމާލް، ޢަބްދުﷲ ޝާފިޢު (ފުބޫ)، އާމިނަތު ނިޝާ (ނިޝްކޮ)، އިރުފާނާ އިބްރާހީމް (އެރޫ) ހަރަކާތްތެރިވެފައިވެއެވެ.
މި ފިލްމުގެ ސްކްރީންޕްލޭ ލިޔެފައި ވަނީ ސްކްރީން ރައިޓަރ ޒަރީރުއެވެ. އިބްރާހީމް މޫސާ (ދަބަ)ގެ ކެމެރާ ކުރުން ފިލްމު ފެނިގެން ދާއިރު ލޯބިވެވިއްޖެ ޑައިރެކްޓްކޮށްފައި ވަނީ ސީޒަންނެވެ. ލޯބިވެވިއްޖެ ފިލްމުގެ ޕްރޮޑިއުސަރުންނަކީ ޝާނީޒް ޢަލީ އާއި ސީޒަންގެ އަންހެނުން ޝަނާޒްއެވެ.
