2023 ވަނައަހަރުގެ ކުރިން ރާއްޖެގެ 8 ސަރަހައްދަ ކޯޗު ތަމްރީން ކުރުމުގެ ޕްރޮގްރާމެއް ބޭއްވިގެންދާނެ ކަމަށް އެފްއޭއެމްއިން ބުނެފިއެވެ.
އެފްއެމްއިން ގެނެސްދޭ "ލެޓްސް ޓޯކް" ފުޓްބޯޅަ ޝޯގައި ވާހަދައްކަމުން އެފްއޭއެމް ޑެޕިއުޓީ ޓެކްނިކަލް ޑިރެކްޓަރ އަދި ހެޑް އޮފް ގްރާސްރޫޓް އަހުމަދު ޝަރީފް (ޑުންގާ) ވިދާޅުވީ އެފްއޭމް އާއި ބީ އަދި އޭ ލައިސަންސް ކޯޗުން ތަމްރީން ކުރުމަސް ލިބުނު ހުއްދައާއެކު އެފްއޭއެމް އިން މިހާރު ޕްލޭނެއް އެކުލަވާލާފަވާކަމަށެވެ. އެފްއޭއެމްގެ އަމާޒަކީ 2023 ގެ ކުރިން ރާއްޖޭގެ 8 ސަރަހައްދެއްގައި ކޯޗުން ތަމްރީންކުރުމުގެ ޕްރޮގްރާމް ބޭއްވުން ކަމަށް ވެސް ޑުންގާ ވިދާޅުވިއެވެ.
އޭއެފްސީ ބީ ލައިސަންސް ކޯޗިން ކޯސް ހިންގުމުގެ ހުއްދަ ލިބުނު ރާއްޖޭގެ ފުރަތަމަ ދެ އިންސްޓްރަކްޓުންނަކީ ޓީސީ ސްޕޯޓްސް ކްލަބްގެ ކޯޗު މުހައްމަދު ޝާޒްލީ (ޝާޒް) އާއި އެފްއޭއެމްގެ ޑެޕިއުޓީ ޓެކްނިކަލް ޑިރެކްޓަރު އަދި ހެޑް އޮފް ގްރާސްރޫޓްސް އަހުމަދު ޝަރީފްއެވެ. އޭނާ ވިދާޅުވީ ކޯސްތައް ކުރިޔަށްދިގެންދިޔުމުގައި މިހާރު އެއްވެސް ހުރަހެއް ނެތްކަމަށާ ކޯސްތައް ކުރިޔަށްގެންދިޔުމުގެ ހުރިހާ ބާރާ އިހްތިޔާރެއް ލިބުނު ހުއްދައިގެ ދަށުުން އެފްއޭއެމްއަށް ލިބިފަވާކަމަށެވެ.
އެފްއޭގެ ރައީސްގެ އަމާޒެއް މުޅިރާއްޖެއަށް ލީގު ހުޅުވާލުން. 2023 ގަ އެކަން ވެގެންދާއިރު އެންމެ މުހިންމު ކަމަކީ ތަމަރީންވެފަ ތިބި ރެފްރީން ތަކެއް ރާއްޖޭގެ އެކި ސަރަހައްދަތަކުގައި ތިބުން.
– އައްޑޫގެ ކުރީގެ މައްޝޫރު ފުޓްބޯޅަ ކުޅުންތެރިޔާ ވިދާޅުވިއެވެ.
އެފްއޭއެމް އިން ފަަހަކަށް އައިސް އަންނަނީ ގިނަ އަދަދަކަށް ކޯޗުން ތަމްރީނު ކުރުމުގެ ކޯސްތައް ބާއްވަމުންނެވެ. ރާއްޖޭގައި މި ވަގުތު ޝާޒްގެ އިތުރުން ޕްރޯ ލައިސަންސް އިތުރު ކޯޗެއް ވެސް ހިމެނެ އެވެ. އެއީ ފުރަތަމަ ޑިވިޝަންގެ ގިނަ ކްލަބްތަކަށް ކޯޗުކޮށްދިން އެފްއޭއެމްގެ ކުރީގެ ޓެކްނިކަލް ޑިރެކްޓަރު މުހައްމަދު ޝިޔާޒް (މޯހަން) އެވެ. އެފްއޭއެމް ލީޑަޝިޕްގެ ވިސްނުމަކީ ޕްރޯ ލައިސަންސް ލެވަލަށް އިތުރު އެހެން ކޯޗުން ވެސް ގެންދިއުމެވެ.
އޭއެފްސީގެ އިންސްޓްރަކްޓެއްގެ ގޮތުގައި ރާއްޖޭގެ އެކި ކޯޗުން ވަނީ ބޭރުގެ އެކި ކޯސްތަކުގައި ކިޔަވައިދީފައެވެ. އެ ގޮތުން މޯހަން ވަނީ ނޭޕާލާއި ކެމްބޯޑިއާ އަދި މޮންގޯލިއާގައި ކޯޗިން ކޯސްތަކެއްގައި ކިޔަވައިދީފައެވެ.
ކޮމެންޓު ފޮނުވާ