މިއީ ދިވެހިންގެ މެދުގައި ވަރަށް އާންމު އެއްޗެކެވެ. އާންމު ގޮތެއްގައި މިއީ ހުރިހާ އެންމެވެސް ވެސް އެއް ގޮތަކަށް ތައްޔާރު ކުރާ އެއްޗެކެވެ. މިއަދު މި ގެެނެސް ދެނީ ކަޓްލެޓްސް ތައްޔާރު ކުރާނެ ގޮތެވެ.

ބޭނުން ވާނެ ތަކެތި

300 ގުރާމު އަލުވި (ކައްކާފައި، ޗަސްކޮށްފައި)

1 ދަޅު ތެޔޮމަސް

½ ސައިސަމުސާ އިނގުރު (ގާނާފައި)

½ ސައިސަމުސާ ލޮނުމެދު (ގާނާފައި)

½ ސައިސަމުސާ އަސޭމިރުސް (މުގުރާފައި)

1 ލުނބޯ

2 ކުކުޅު ބިސް

1 ޕެކެޓު ފާރޮށި ކުނޑި

1 ފިޔާ (ބޮޑު، އަރިމަތިން ކޮށާފައި)

ގިތެޔޮމިރުސް، ހިކަނދިފަތް، ތެޔޮ

ތައްޔާރު ކުރާނެ ގޮތް

ތެޔޮމަސް ދަޅުގައި ހުރި ތެޔޮފޮދުގެ ތެރެއަށް ހިކަނދިފަތް އަޅައިގެން ފިޔާ މީރުކޮށްފައި، އޭގެ ތެރެއަށް އިނގުރާއި ލޮނުމެދާއި، މަހާއި، އަލުއިއްވާއި، ގިތެޔޮމިރުހާއި، އަސޭމިރުހާއި (ދެބައިކުޅަ އެއްބައި)، ލޮނު ލުމަށް ފަހު އެއްކޮށްލާށެވެ. ރަނގަޅަށް އެއްވުމުން މަސްގަނޑު ހިހޫ ކޮށްފައި ލުނބޯ އެޅުމަށް ފަހު، އަނެއްކާ ވެސް ރަނގަޅަށް މޮޑެލުމަށް ފަހު ގުޅަޖަހައިލާށެވެ. މިގޮތަށް ގުޅަ ގުޅަޖަހާއިރު، މަސްގަނޑު ތެރޭގައި ހުރި ހިކަނދިފަތްތައް ނަގަން ވާނެއެވެ. ދެން ބިހާއި، އަސޭމިރުސްކޮޅަކާއި، ލޮނާއި އެއްކޮށް ރަނގަޅަށް ގިރާފައި، އޭގެ ތެރެއަށް ކަޓްލަސް ލުމަށް ފަހު، ފާރޮށި ކުނޑި ހާކާފައި ތެއްލުލާށެވެ. ތެޔޮގަނޑަށް ކަޓްލަސް ލުމުގެ ކުރިން ތެޔޮގަނޑު ހޫނުކުރަން ވާނެއެވެ. އެއަށް ފަހު މަޑު މުށި ކުލައެއް އަރަންދެން ތެލުލާށެވެ.