ކާއްޓަކީ މި ރޯދަމަސް ފެށުނު އިރުގައި ވެސް ތަދު އެއްޗަކަށް ވަނީ ވެފައެވެ. އެގޮތުން ކާށީގެ އަގު ވަރަށް ބޮޑަށް މިވަނީ އުފުލި ކާށި ލިބުން ވެސް ދަތިވެފައިއެވެ. އެހެންނަމަވެސް މިއަދު މި ގެނެސްދެނީ ކާށި ބޭނުން ކޮށްގެން ވަރަށް ފަސޭހައިން ތައްޔާރު ކުރެވިދާނެ ވަރަށް މީރު ބާވަތެކެވެ.
މި ރެސިޕީއަށް އެންމެ ރަނގަޅީ ޕެކެޓް ގައި ބަންދު ކޮށްފައި، ފިހާރައިން ގަންނަން ލިބެން ހުންނަ ކާށި ބޭނުން ކުރުމެވެ. މިއީ ވަރަށް މަދު އިންގްރިޑިއަންޓްސް ބޭނުން ކޮށްގެން ތައްޔާރު ކޮށްލެވޭނެ އެއްޗެކެވެ.
ބެނުން ވާނެ ތަކެތި:
1 ދަޅު ގެރިކިރު
ކާށި ހުނި
ތައްޔާރު ކުރާނެ ގޮތް:
އެންމެ ފުރަތަމަ ތައްޓަކަށް ގެރިކިރު ދަޅު އަޅައިލާށެވެ. އެއަށް ފަހު އޭގެ ތެރެއަށް ކާށި އަޅަމުން ގެންދާށެވެ. ގުޅައެއް ހެދޭވަރަށް ފުއްގަނޑެއްހެން ވުމުން 30 މިނިޓް ވަންދެން ރެސްޓް ކުރުމަށް ބަހައްޓާށެވެ. 30 މިނިޓް ހަމަ ވުމުން ބޯޅައެއް ނުވަތަ ގުޅައެއް ހަދައިލުމަށްފަހު ބޭރުގައި ކާށި ކޯޓެއް ލާށެވެ. އެއަށް ފަހު ބޭނުން ނަމަ ފިނިކޮށްލާށެވެ. މިހާރު ހުންނާނީ ކޮކޮނަޓް ބޯލްސް ތައްޔާރު ވެފައިއެވެ.
