މި އަހަރުގެ ފުރަތަމަ ތިން މަސް ދުވަހުގެ ތެރޭގައި ރާއްޖެއަށް ބައި މިލިއަން ފަތުރުވެރިން ޒިޔާރަތްކޮށްފިއެވެ.
ސަރުކާރުން މިއަހަރު ރާއްޖެއަށް 1.9 މިލިއަން ފަތުރުވެރިން ގެނައުމަށް ވަނީ އަމާޒު ކަނޑައަޅާފައެވެ. ޓޫރިޒަމް މިނިސްޓްރީން އާންމުކުރި އެންމެ ފަހުގެ ތަފާސް ހިސާބުތަކުން ދައްކާ ގޮތުން އިއްޔެގެ ނިޔަލަށް 500,597 ފަތުރުވެރިން ރާއްޖެއަށް އަށް ޒިޔާރަތްކޮށްފައިވެއެވެ. ނިމިދިޔަ އަހަރުގެ އެ މުއްދަތުގައި ރާއްޖެއަށް އައިސްފައިވަނީ 409،426 ފަތުރުވެރިންނެވެ.
މިދިޔަ އަހަރާ އަޅާބަލާއިރު މިއީ 22.3 އިންސައްތައިގެ ކުރިއެރުމެކެވެ. ތަފާސް ހިސާބުތައް ދައްކާގޮތުން މި މަހުގެ މިހާތަނަށް ރާއްޖެއަށް 150,183 ފަތުރުވެރިން ޒިޔާރަތްކޮށްފައިވެއެވެ. މިދިޔަ އަހަރުގެ އެ މުއްދަތުގައި ރާއްޖެއަށް އައިސްފައިވަނީ 128,650 ފަތުރުވެރިންނެވެ.
އެންމެ ގިނަ އަދަދަކަށް ފަތުރުވެރިން އައިސްފައިވާ ގައުމުތަކަކީ:
– ރަޝިއާ – 60,590 ފަތުރުވެރިން (ޖުމްލަ ފަތުރުވެރިންގެ 12.1 އިންސައްތަ)
– އިންޑިއާ – 52,734 ފަތުރުވެރިން (ޖުމްލަ ފަތުރުވެރިންގެ 10.5 އިންސައްތަ)
– އިނގިރޭސިވިލާތް – 45,545 ފަތުރުވެރިން (ޖުމްލަ ފަތުރުވެރިންގެ 9.1 އިންސައްތަ)
– އިޓަލީ – 43,869 ފަތުރުވެރިން (ޖުމްލަ ފަތުރުވެރިންގެ 8.8 އިންސައްތަ)
– ޖަރުމަނުވިލާތް – 34,516 ފަތުރުވެރިން (ޖުމްލަ ފަތުރުވެރިންގެ 6.9 އިންސައްތަ)
– މި ގައުމުތަކުގެ އިތުރުން ދެން އެންމެ ގިނަ އަދަދަކަށް ފަތުރުވެރިން އައިސްފައިވަނީ ފްރާންސް، އެމެރިކާ، ޗައިނާ، ސްވިޒަލޭންޑް އަދި ޕޮލޭންޑުންނެވެެ.
We have reached 500,000 tourist arrivals in just 3 months! Thank you all the visitors, for choosing the Sunny Side of Life, where every new day brings new delights!
📷: Kandima Maldives#WorldsLeadingDestination2022 #VisitMaldives #SunnySideofLife pic.twitter.com/u7JcjbDdPs
— Visit Maldives (@visitmaldives) March 27, 2023
ޓޫރިޒަމް މިނިސްޓްރީން އާންމުކޮށްފައިވާ ތަފާސް ހިސާބަށް ބަލާއިރު، އިއްޔެގެ ނިޔަލަށް އެވްރެޖުކޮށް ދުވާލެއްގެ މައްޗަށް 6,501 ފަތުރުވެރިން ރާއްޖެއަށް ޒިޔާރަތްކޮށްފައިވެއެވެ. އަހަރުގެ މި މުއްދަތުގައި އައި ފަތުރުވެރިން އެވްރެޖްކޮށް އަށް ދުވަސް ރާއްޖޭގައި ހޭދަކޮށްފައިވެއެވެ.
ރާއްޖޭގައި ފަތުރުވެރިންނަށް ހިދުމަތް ދިނުމަށް 1،229 ތަނެއް ދަނީ ހިންގަމުންނެވެ. އޭގެ ތެރޭގައި 169 ރިސޯޓާއި 13 ހޮޓަލާއި 894 ގެސްޓްހައުސްގެ 153 ސަފާރީ ހިމެނެއެވެ. މި ތަންތަނުން ޖުމްލަ 60،382 އެނދު އޮޕަރޭޓްކުރެއެވެ.
