ޑޭޓް ނުވަތަ ކަދުރަކީ ރޯދަމަހާއި ވަރަށް ބޮޑަށް ގުޅި ލާމެހައިފައިވާ ރޯދަ މަހަށް ހާއްސަ އެއްޗެއްގެ ގޮތުގައި ފާހަގަ ކުރެވޭ އެއްޗެކެވެ. ރޯދަ ވިއްލާ ގަޑީގައި ސުފުރާމަތިން ކޮންމެހެންވެސް ފެންނަން ޖެހޭ އެއްޗެއްގެ ގޮތުގައި ފާހަގަ ކުރެވޭ އެއްޗެއްވެސް މެއެވެ.

މިއަދު މި ގެނެސްދެނީ ތަފާތު ފޮނި އެއްޗެއް ތައްޔާރު ކޮށްލާނެ ގޮތެވެ. ރޯދަ މަހަކީ ތަފާތު އެއްޗެހި ތަޖުރިބާ ކޮށްލާ މަހަކަށް ވުމުން ކަދުރު ނުވަތަ ޑޭޓްގެ މި ރެސިޕީ ތައްޔާރު ކޮށްލުން ކިހިނެއް ވާނެތޯއެވެ؟

ބޭނުން ވާނެ ތަކެތި: 

1 ޖޯޑު ކަދުރު (ޗޮޕް ކޮށްފައި)

2 މޭޒުމަތީ ސަމުސާ ބަޓަރު

1 1/2 ސައިސަމުސާ ބޭކިން ސޮޑާ

1 ޖޯޑު ހަކުރު

1/2 ސައިސަމުސާ ފޮނިތޮށި ޕައުޑަރު

1/4 މޭޒުމަތީ ސަމުސާ އިނގުރު ޕައުޑަރު

1 ޖޯޑު ހޫނު ފެން

1/2 ޖޯޑު ވޯލް ނަޓް (ޗޮޕް ކޮށްފައި)

1 1/3 ޖޯޑު ފުއް

އިނގިލި ކޮޅުން ހިފޭ ވަރުގެ ލޮނު ކޮޅެއް

ތައްޔާރު ކުރާނެ ގޮތް:

350 ޑިގްރީ ފެރެންހައިޓްގައި އަވަން ޕްރީހީޓް ކުރަން ޖައްސާށެވެ. އެއަށްފަހު 8 އިންޗީގެ ޓްރޭއެއްގައި ބަޓަރު ކޮޅެއް އުނގުޅައިލާށެވެ. މީޑިއަމް ސައިޒްގެ ތައްޓެއްގައި ކަދުރު؛ ބަޓަރު، ބޭކިން ސޯޑާ، ހަކުރު، ލޮނު އަދި އިނގުރު ކޮޅު އަޅާފައި މިކްސް ކޮށްލާށެވެ. އެއަށް ފަހު ހޫނު ފެންފޮދެއް އަޅައި ހުރިހާ އެއްޗެއް އެއްކޮށްލާށެވެ. އެއަށް ފަހު ފުއްކޮޅު އަޅައި ރަނގަޅަށް އެއްކޮށްލާށެވެ. ދެން އެއަށްފަހު ނަޓްސް އެޅުމަށްފަހު އަވަނުން ފިހެލާށެވެ. ފިހެލުމަށްފަހު ވިޕްޑް ކްރީމް ނުވަތަ އައިސްކްރީމް އަޅައިލާށެވެ. މި ޕުޑިންގ އެންމެ މީރު ވާނީ ހޫނުކޮން ހުއްޓާާ ކެއުމަށެވެ.