މިއީ ރާއްޖޭން ފަސޭހަ ކަމާއި އެކުގައި ލިބެން ހުރި ދެ މޭވާ އެވެ. އާންމު ގޮތެއްގައި ވެސް ރޯދަ މަހުގައި މި ދެ މޭވާގެ ޑިމާންޑު ބޮޑެވެ. އެގޮތުން ދޮންވެ ފައްކާވެފައިވާ އަނބުގެ ފަންޏަކި ގިނަ ބަޔަކަށް ވަރަށް ކަމުދާ އެއްޗެކެވެ. އަދި ހަމަ އެހެންމެ ފެޝަން ފުރުޓް ވެސް ވަރަށް މަގުބޫލެވެ.

ބޭނުން ވާނެ ތަކެތި: 

4 ހުތް އަނބު

2 ފެޝަން ފުރުޓް

1 ޔޯގަޓް

4 މޭޒުމަތީ ސަމުސާ ހަކުރު

1 ޖޯޑު ފެން

ތައްޔާރު ކުރާނެ ގޮތް: 

އެންމެ ފުރަތަމަ އަނބާއި ފެޝަން ފުރުޓާއި ފެން ޖޯޑު އެޅުމަށްފަހު ރަނގަޅަށް ގިރާލާށެވެ. އަދި ފުރޭންޔަކުން ފުރާނާލުމަށްފަހު އަލުން މިކްސްރަށް އަޅައި ޔޯގަޓް އަދި ހަކުރު އަޅައި އެއްކޮށްލާށެވެ. މި ރޯދަ މަހުގައި ޓްރައިކޮށްލުން ރަނގަޅެވެ.