މިސަރުކާރުގެ ތަރައްޤީގެ މަޝްރޫޢުތަކުގެތެރެއިން ވަރަށްބޮޑު ކާމިޔާބީއެއްގެ ގޮތުގައި، ހަވާއެރުވުމުގެ ކުލަގަދަ ރަސްމިއްޔާތެއްގައި ރޭ ހުޅުވި ފަރެސް މާތޮޑާ އެއާޕޯޓު ހައްދަވައިދެއްވިކަމަށްޓަކައި ކުރީގެ ރައީސް ޔާމީނަށާއި ރައްޔިތުންގެ މަޖިލީހުގެ ފަރެސް މާތޮޑާ ދާއިރާގެ މެމްބަރު ޙުސައިން މުޙައްމަދު ލަޠީފަށް ރޭގެ ރަސްމިއްޔާތުގައި ފަރެސްމާތޮޑާ ކައުންސިލްގެ ރައީސް އަޙްމަދު އިމްތިޔާޒު ޝުރު އަދާކުރައްވައިފިއެވެ.

Shukuriyya Faresmathoda Council Raees. Faresmathoda sarahadhuge Rayyithun ah ufaaverikan. AirPort ah gulhifavaa thareggeege kuri erun othee RY2023 ekee insha Allah. pic.twitter.com/Qitqi5P40L

— Hussain Mohamed Latheef (@HucenSembe) March 15, 2023

ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙު ޝަރަފްވެރިކޮށްދެއްވި ރޭގެ ރަސްމިއްޔާތުގައި ފަރެސް މާތޮޑާ ކައުންސިލްސގެ ރައީސް ވިދާޅުވީ، އެރަށުގައި އެއަރޕޯޓެއް ހައްދަވަން ނިންމަވައި އެކަން ޢިއުލާންކުރައްވައި އެމަސައްކަތް ފެއްޓެވީ ކުރީގެ ރައީސް ޔާމީނުކަމަށެވެ. އަދި އެމަޝްރޫޢު ހަޤީޤަތަކަށް ހައްދަވައި އެއާޕޯޓު ގެންނެވުމަށް ދާއިރާގެ މެމްބަރު ޙުސައިން މުޙައްމަދު ލަޠީފު ކުރެއްވި ބުރަ މަސައްކަތް ދާއިރާއާއި އެރަޑުގެ ރައްޔިތުން ބަލައިގަންނަކަމަށެވެ. އެހެންކަމުން ރައީސް ޔާމީނާއި މެމްބަރު ޙުސައިންއަށް ޝުކުރު އަދާކުރާކަމަށްވެސް ކައުންސިލް ރައީސް ވިދާޅުވިއެވެ.

ފަރެސްމާތޮޑާ އެއާޕޯޓު ތަރައްޤީކުރަން ނިންމަވައި އެކަމަށްޓަކައި ބިން ހިއްކަން ފެއްޓެވީ ކުރީގެ ރައީސް އަބްދުﷲ ޔާމީންގެ ވެރިކަމުގެ ދުވަސްވަރުއެވެ. ބިން ހިއްކައި މުޅިން ނިންމާލާފައި ވަނީ 2019ވަނަ އަހަރުގެ އޯގަސްޓް މަހުއެވެ. ބިން ހިއްކުމުގެ މަސައްކަތްކޮށްފައި ވަނީ މޯލްޑިވްސް ޓްރާންސްޕޯޓް ކޮންޓްރެކްޓިން ކޮމްޕެނީ (އެމްޓީސީސީ) އިންނެވެ. އޭރުވެސް އޮތީ 1.2 ކިލޯ މީޓަރުގެ ދިގު ރަންވޭ އަކާއި އޭޕްރަންއެއް އަދި ޕެސެންޖަރު ޓާމިނަލަކާއެކު ފަރެސްމާތޮޑާ އެއާޕޯޓުގެ މަޝްރުޢު ޢިއުލާންކޮށްފައެވެ.