އިދިކޮޅު ޕީޕީއެމްގެ ރިޔާސީ ކެނޑިޑޭޓް ރައީސް ޔާމީން މިނިވަންކުރުމަށް ގޮވާލައި ޒުވާނުންތަކެއް މާލޭގައި ސައިކަލް ބުރެއް ބާއްވައިފިއެވެ.
އިދިކޮޅު ޕީޕީއެމްގެ ޒުވާނުންގެ ގޮފިން އިސްނަގައިގެން ކުރިޔަށް ގެންދިޔަ މި ސައިކަލް ބުރަކީ ވަރަށް ކުއްލިގޮތަކަށް އިންތިޒާމް ކުރެވިގެންދިޔަ ހަރަކާތެކެވެ. ސަބަބެއްގެ ގޮތުގައި މި ސައިކަލު ބުރުގައި ބައިވެރިވި ޒުވާނަކު ބުނީ ފުލުހުންގެ ފަރާތުން ކުރިމަތިވާ ދަތިތަކާއި ގުޅިގެން ރަސްމީކޮށް އިއުލާންކޮށް ދުރާލާ ނުރޭވީ ކަމުގައެވެ.
މި ސައިކަލު ބުރުގައި އިދިކޮޅުގެ ލީޑާޝިޕްގެ ބައެއް ބޭފުޅުންވެސް ބައިވެރިވެގެންނެވިއެވެ. ރައީސް ޔާމީން މިނިވަން ކުރުމަށް ގޮވާލައި މިއަދު ސައިކަލް ބުރެއް ބާއްވާފައިވާއިރު ކޮންމެ ރެއަކު މާލޭގެ އެކި މަގުތަކުގަިއި ދަނީ މުޒާހަރާ ކުރަމުންނެވެ. މި މުޒާހަރާތަކުގައި ގިނަ އަދަދެއްގެ ޕްރޮގްރެސިވް ކޯލިޝަންގެ އެކްޓިވިސްޓުންނާއި، ލީޑަރޝިޕްގެ ބޭފުޅުން ހައްޔަރު ކުރެއެވެ.
Raees Yameen ah kuri haraan hukumaa dhekolhah Zuvaanun beyvvi cycle buru. #FreePresidentYameen #RY2023 #HaraanHukum pic.twitter.com/rlIwwVW9uN
— Progressive Party of Maldives (@ProgressPartyMV) March 11, 2023
ރިޔާސީ އިންތިޚާބަށް 6 މަހަށް ވެފައިވާއިރު، އިދިކޮޅު ބުނަމުންދަނީ އެކޯލިޝަންގެ ރިޔާސީ ކެނޑިޑޭޓަކީ ރައީސް ޔާމީން ކަމަށެވެ.
