ދައުލަތުގެ ބަޖެޓުން ސިޔާސީ ޕާޓީތަކަށް ދޫކުރާ ފައިސާ އެންމެފަހުން ދޫކުރި ޕާޓީތަކުގެ ތެރެއިން ޢަދާލަތު ޕާޓީއާއި މޯލްޑިވްސް ނެޝަނަލް ޕާޓީ (އެމްއެންޕީ)ގައި ދިހަ ހާސް މެމްބަރުން ހަމަނުވާކަން ހާމަވެއްޖެއެވެ.
އިލެކްޝަންސް ކޮމިޝަނުން ޢާންމުކޮށްފައިވާ މަޢުލޫމާތުތަކަށް ބަލާއިރު މިއަހަރުގެ ބަޖެޓުން 6 ޕާޓީއަކަށް ފައިސާ ދޫކުރަން ނިންމާފައިވެއެވެ. އެއީ އެމްޑީޕީ، ޕީޕީއެމް، ޖުމްހޫރީ ޕާޓީ، އެމްޑީއޭ، އެމްއެންޕީ، އަދާލަތު ޕާޓީއެވެ. މިޕާޓީތަކަކީ ފައިސާދޫކުރަން ނިންމީ މިދިޔަ އަހަރު ދައުލަތުގެ ބަޖެޓް ފާސްކުރުމުގެ ކުރިން އެޕާޓިތަކުގައި މެންބަރުން ތިބި ޢަދަދަށް ރިޔާޢަތްކޮށްކަމަށް އިލެކްޝަންސް ކޮމިޝަނުން ބުނެއެވެ. އެހެންނަމަވެސް މިހާރު މި ޕާޓީތަކުގެތެރެއިން ޢަދާލަތާއި އެމްއެންޕީގައި ދިހަ ހާސް މެމްބަރުން ހަމައެއް ނުވެއެވެ.
2023 ފެބުރުވަރީ 21 ވީ އަންގާރަ ދުވަހުގެ ނިޔަލަށް ސިޔާސީ ޕާޓީތަކަށް މެންބަރުންގެ ގޮތުގައި ދަފްތަރު ކުރެވިފައިވާ އަދަދު @SecretariatMDA @MDPSecretariat @drpmaldives @AdhaalathOffice @Jumhooree_MV @ProgressPartyMV @MRM_Office @MNP_Secretariat @MTDSecretariat pic.twitter.com/JRYJ8KHlOX
— Elections Commission (@ElectionsMv) February 23, 2023
އިލެކްޝަންސް ކޮމިޝަނުން ޢާންމުކުރައްވާފައިވާ ހިސާބުތައް ދައްކާގޮތުން އަދާލަތު ޕާޓީގައި ތިބީ 9،765 މެމްބަރުންނެވެ. އެމްއެންޕީގައި ތިބީ 9،937 މެމްބަރުންނެވެ. މިއަހަރުގެ ބަޖެޓުން އަދާލަތު ޕާޓީއަށް 2.4 މިލިޔަން، އަދި އެމްއެންޕީއަށްވެސް 2.4 މިލިޔަން ރުފިޔާ ދޭން އިލެކްޝަން ކޮމިޝަނުން ވަނީ ނިންމާފައެވެ. ސިޔާސީ ޕާޓީތައް ހިންގުމަށް، މިއަހަރުގެ ބަޖެޓުން 36,896,088.00 ރުފިޔާވަނީ ކަނޑައަޅާފައެވެ.
