ކުރިަޔަށް އޮތް ރިޔާސީ އިންތިޚާބުގައި ވާދަ ކުރުމާއި ގުޅޭގޮތުން އަދި ގޮތެއް ނުނިންމާ ކަމަށާއި، ރިޔާސީ އިންތިޚާބާއި ގުޅޭގޮތުން އެޕާޓީން ގޮތް ނިންމާނީ މިމަހު ފަހުކޮޅު ބާއްވާ ކޮންގްރެސްއަށްފަހު ކަމުގައި ޖުމުހޫރީ ޕާޓީން ބުނެފިއެވެ.
ޖުމުހޫރީ ޕާޓީގެ ފަރާތުން މިކަން ހާމަ ކޮށްފައިވަނީ، ކުރިޔަށް އޮތް ކޮންގްރެސްއާއި ގުޅޭގޮތުން މައުލޫމާތު ދެެއްވުމަށް މިއަދު ބޭއްވި ނުސްވެރިންގެ ބައްދަލުވުމުގައި ވާހަކަ ދައްކަވަމުން، އެޕާޓީގެ ލީޑަރުގެ ގާސިމް އިބުރާހިމްގެ އެޑްވައިޒަރު އަހުމަދު އިލްހާމްއެވެ.
މިއަދުގެ ނޫސްވެރިންގެ ބައްދަލުވުމުގައި ވާހަކަ ދައްކަވަމުން އިލްހާމް ވިދާޅުވީ ކުރިޔަށް އޮތް ރިޔާސީ އިންތިޚާބާއި ގުޅޭގޮތުން އެޕާޓީން ގޮތެއް ނިންމާނީ، ކުރިޔަށް އޮތް ކޮންގްރެސް ނިމި، އެއަށްފަހު އެޕާޓީގެ ކައުންސިލުން ރިޔާސީ ކެނޑިޑޭޓާއި ގުޅޭގޮތުން ބަހުސް ފެށޭ ހިސާބުން ކަމުގައެވެ.
މިޕާޓީން އަދި ގޮތެއް ނުނިންމަވާ. މި ޕާޓީން ގޮތެއް ނިންމަވާނީ މި ކޮންގްރެސް ނިމި، ކައުންސިލުން އަޅުގަޑުމެންގެ ރިޔާސީ ކެނޑިޑޭޓާއި ބެހޭހިސާބުން. އަޅުގަޑުމެން މިއަދު މިތިބީ ކޯލިޝަނެއްގެ ތެރޭގައި. އެހެންވި މިކޯލިޝަނާއެކީ އަޅުގަޑިމެން މިއަދު މިދަނީ ކުރިޔަށް… މިއަދު ދަންނަވަން ދަތި ސީދާ ކޮން ބޭފުޅެކޭ ނިކުންނަވާނީ، ސީދާ ކައުންސިލްގެ، އެބޭފުޅުންގެ ބުނަންޖެހޭ ބަހެއް އަޅުގަޑު ނުވަތަ އެބޭފުޅުންނަށް ލިބިފައިވާ ހައްގެއް އަޅުގަޑަކަށް ބޭނުން ކުރުމުގެ ހައްގެއް ލިބިގެނެއް ނުވޭ.
މިއަދުގެ ނޫސްވެރިންގެ ބައްދަލުވުމުގައި ވާހަކަ ދައްކަވަމުން އިލްހާމް ވިދާޅުވިއެވެ.
މިއަދުގެ ނޫސްވެރިންގެ ބައްދަލުވުމުގައި ވާހަކަ ދައްކަވަމުން، ގާސިލްގެ ޕޮލިޓިކަލް އެޑްވައިޒަރު، ރިޔާޒު ރަޝިދު ވިދާޅުވީ ގާސިމް އިބުރާހިން ކަންކަން ނިންމަވަނީ އެއްވެސް ފަރާތކުގެ ޕްރެޝަރަށް ނޫންކަމަށާއި، އެކަނިކްފާނުގެ އަމިއްލަފުޅު ވިޔަފާރުއަށް ބަލާލުމުންވެސް އެކަން ސާބިތުވާހުރި ކަމުގައި ވެސް ރިޔާޒު ރަޝީދު ވިދާލުވިއެވެ.
