ރިޔާސީ ޕްރައިމަރީގެ ނާކާމިޔާބީއާއެކު ލިބިވަޑައިގެންނެވި މާޔޫސްކަމުގައި ރައީސް ނަޝީދު އުޅުއްވަނީ އެމްޑީޕީ ބައިބައިކޮށްލަންކަމަށާ، އެކަމަށްޓަކައި ނަޝިދު ގެންގުޅުއްވަނީ ރައީސް މައުމޫނުގެ ޓެކްޓިކްސްކަމަށް ރައްޔިތުންގެ މަޖިލީހުގެ މަރަދޫ ދާއިރާގެ މެމްބަރު އިބްރާހީމް ޝަރީފް (މަވޯޓާ) ވިދާޅުވެއްޖެއެވެ.
މިހާރު ދެބައިވެފައިވާ އެމްޑީޕީގައި ދެފެކްޝަން އުފެދިފައިވާއިރު މަވޯޓާ އަކީ ރައީސް ޞާލިޙުގެ ފެކްޝަންގެ ބޭފުޅެކެވެ. މި ކޯޅުމުގައި މަވޯޓާއަކީ ވަރަށް ގިނައިން ނަޝީދަށް ފާޑުވިދާޅުވާ ބޭފުޅެކެވެ.
އޭނާ ކުރެއްވި ޓްވީޓްގައި ވިދާޅުވީ ރައީސް ނަޝީދު މިހާރު އުފައްދަވާފައިވާ "ފިކުރެއްގެ ދިރުން"އާއި ޑީއާރުޕީ ދެބައިވެގެން އުފެދުނު ޒެޑް-ޑީއާރުޕީއާ މާބޮޑު ތަފާތެއް ނެތް ކަމަށެވެ. އެމްޑީޕީ ބައިބައި ކުރުމަށް ނަޝީދު މަސައްކަތްކުރައްވަނީ ރައީސް މައުމޫން ޑީއާރުޕީ ބައިބައި ކުރުމަށް ހިންގެވި މަގުން ކަމަށްވެސް މަވޯޓާ ވިދާޅުވިއެވެ.
FIkureggeDhirun @maumoonagayoom ufedhevi Z-DRP aa thafaatheh maa bodu neteve. @MohamedNasheed ehingavan beynunfulhu evanee ZaeemMAG hingevi magun neve MDP bai bai kollevumuge masakkaiy fettevee eve. Mee MDP riyaasee inthikhaabun fail kollumah kurevey masakkathakah noonee nuvaane
— Ibrahim Shareef (@AdduShareef) January 31, 2023
މަވޮޓާ ޝަރީފަކީ ޑީއާރުޕީ ދެބައިވިއިރު އެޕާޓީގެ ލީޑަރު އަޙްމަދު ތަސްމީން ޢަލީގެ ފެކްޝަނަށް ނިސްބަތްވި ބޭފުޅެކެވެ. ފަހުން ތަސްމީންގެ ފެކްޝަނުގެ އިސް ބޭފުޅުން ގުޅިވަޑައިގަތީ އެމްޑީޕީއާއެވެ. އެއާއެކު މަވޯޓާވެސް ވަނީ އެމްޑީޕީއާ ގުޅިވަޑައިގެންފައެވެ.
ކޮމެންޓު ފޮނުވާ