"ބިގް ބޮސް 13″ އިން ފެނިގެންދިޔަ ހިތްގައިމު ޖޯޑު ސިދާތު ޝުކުލާ އާއި ޝެހެނާޒް ގިލް، (ސިދްނާޒް)ގެ ކުރިއަށް އޮތް ލަވަ "ޝޯނާ ޝޯނާ"ގެ ޕޯސްޓަރު ދައްކާލައިފިއެވެ. މި ލަވަ ނެރުމަށް ހަމަޖެހިފައި ވަނީ މިއަދު މެންދުރު ކުރީ އިންޑިއާ ގަޑިން 11 ޖަހާއިރުއެވެ. އެހެންކަމުން ސިދްނާޒްގެ ގެ ފޭނުން ތިބީ އެމީހުންގެ ދެވަނަ ލަވަ ބަލާލުމަށް ކެތްމަދުވެފައެވެ.
މި ލަވަ ޔޫ ޓިއުބަށް ނެރުމަށް ދެން އޮތީ ކުޑަކުޑަ ވަގުތު ކޮޅެކެވެ. އަދި މި ލަވަ ހިޓް ކުރުމަށް ސިދާތާއި ޝެހެނާޒް ދަނީ އެތައް މަސައްކަތެއްކުރަމުންނެވެ.
View this post on Instagram
މި ޕޯސްޓަރގައި އެދެމީހުން ހީވަނީ ހުވަފެނެއްގައި އުޅޭހެންނެވެ.
މި ދެމީހުންގެ ފުރަތަމަ މިއުޒިކް ވީޑިއޯ " ބުލާދޫނގާ" މި އަހަރު މަރޗް މަހު ބެލުތެރިންނަށް ދޫކޮށްލާފައި ވާއިރު، އެ ލަވައަށް ވެސް ބޮޑު ތަރުހީބެއް ވަނީ ލިބިފައެވެ. އެގޮތުން މިހާތަނަށް ޔޫޓިއުބުން 2 މިލިއަނަށް ވުރެ ގިނަ މީހުން އެ ލަވައަށް ވަނީ ލައިކް ދީފައެވެ. އަދި 94 މިލިއަން މީހުން ލަވަ ބަލާފައި ވެއެވެ. ޔޫޓިއުބުން އެންމެ ގިނަ ބަޔަކު ބަލާފައި ވާ ވީޑިއޯތަކުގެ ތެރޭ އެލަވަ ހިމެނެއެވެ. ޓްވިޓާގައި ވެސް ހަމަ އެހާވަރަށް އެލަވަ ވަނީ ހިންގާލާފައެވެ.
