މަޢުލޫމަތު ލިބިފައިވާގޮތުގައި އިބްރާހިމްބެ ނިޔާވީ ހޮސްޕިޓަލްގައި އެޑްމިޓްކޮށްގެން ފަރުވާ ދެމުން ދަނިކޮށް މިރޭގެ ދަންވަރުއެވެ. ފަހަކަށްއައިސް އިބްރާހީމްބެ އުޅުނީ ވަރަށް ބޮޑަށް ބަލިވެއެވެ.

އަބަދުވެސް ރުންކުރު ރުޅިގަދަ ރޯލްތަކުން ފެނުނު އިބްރާހީމްބެ އަކީ ޢާންމުންގެ މެދުގައި ވަރަށް މަޤުބޫލުކަން ހޯދި ފަންނާނެކެވެ. މަޝްހޫރު ކޮމިޑިއަން ޔޫސުފް ރަފީޢު (ޔޫސޭ) ކޮންމެ ރޯދަމަކު ނެރޭ ދިރިއުޅުމަކީ މިއީބާ؟ ގެ އެންމެ މުހިންމު ފަންނާނުންގެ ތެރޭގައި ފަހަކަށްއައިސް ފާހަގަކުރެވޭ އިބްރާހީމްބެ ނިޔާވުމުން ފިލްމީ ފަންނާނުން އަންނަނީ ހިތާމަފާޅުކޮށް ޢާއިލާއަށް ތައުޒިޔާ ކިޔަމުންނެވެ.

އިބްރާހީމްބެ ނިޔާވިއިރު ޢުމުރަކީ 57 އަހަރެވެ. އިބްރާހީމްބެގެ މައްޗަށް ކުރެވޭ ކަށުނަމާދު އޮންނާނީ މިއަދު މެންދުރު ނަމާދަށްފަހު އާސަހަރާ މިސްކިތުގައެވެ.