މާލެ އާއި ހުޅުމާލޭގައި ފުލުހުން ކުރިއަށް ގެންދިޔަ ޑްރަގް އޮޕަރޭޝަނެއްގައި 6.8 ކިލޯގެ ޑްރަގާ އެކު 17 މީހަކު ހައްޔަރުކޮށްފިއެވެ.
ކޮމިޝަނަރ އޮފް ޕޮލިސް މުހައްމަދު ހަމީދު ވިދާޅުވީ، މިދިޔަ ބުރާސްފަތި ދުވަހު މާލެ އާއި ހުޅުމާލޭގައި ހިންގި މަސްތުވާތަކެތީގެ އޮޮޕަރޭޝަނެއްގައި 10 ތަނެއް ބަލާ ފާސްކޮށް 17 މީހަކު ހައްޔަރު ކޮށްފައިވާ ކަަމަށެވެ.
އަދި އެ އޮޕަރޭޝަންގައި 6.8 ކިލޯގެ މަސްތުވާތަކެތި ހޯދާފައިވާއިރު، އަދި ނުވަ ލައްކައަށްވުރެ ގިނަ ރުފިޔާ ހޯދާފައިވާ ކަަމަށް ހަމީދު ވިދާޅުވިއެވެ. އާންމުކޮށް މަސްތުވާތަކެތީގެ އޮޕަރޭޝަންތަކުގައި ހައްޔަރުކުރާ މީހުންގެ ވަނަވަރު މި ފަހުން ފުލުހުން އާންމުކުރެއެވެ. މިހާތަނަށް މި މައްސަލާގައި ހިމެނޭ މީހުންގެ ވަނަވަރު އާއްމެއް ނުކުރެއެވެ.
އެ ޓްވިޓާ އެކު ސީޕީ ވަނީ ޖޫސްޕެޓީ ކޮތަޅުތަކެއްގައި ބަންދުކޮށްފައިވާ މަސްތުވާތަކެއްޗާއި ބޮޑެތި ޕެކެޓްތަކެއްގައި ރައްކާކޮށްފައިވާ މަސްތުވާތަކެތީގެ ފޮޓޯތަކެއްގެ އިތުރުން ގިނަ އަދަދެއްގެ ފައިސާ ރައްކާކޮށްފައި ހުރި ފޮޓޯތަކެއް ވެސް އާންމުކުރައްވައިފައެވެ.
On 22nd December @PoliceMv conducted a counter-narcotics operation in which 10 locations in Male’ & HulhuMale’ were searched, 17 persons arrested, 6.8 kgs of narcotics & MVR 933,430 were seized. This was to disrupt drug trafficking and peddling by a well known crime group. pic.twitter.com/IiyMD6X4fL
— Mohamed Hameed (@M_Hameedh) December 24, 2022
ފުލުހުން މިދިޔަ މަހުގެ 18 ވަނަ ދުވަހު ވެސް ފުލުހުން ހިންގި އޮޕަރޭޝަނެއްގައި 13.56 ކިލޯގެ މަސްތުވާތަކެއްޗާއި -/644020 ރުފިޔާ ވަނީ ހޯދާފައެވެ.
ފުލުހުން އޭރު ވިދާޅުވީ، އެތަކެތި އަތުލައިގެންފައިވަނީ މާލޭގެ ދެގެއަކާއި ހުޅުމާލޭގެ ގެސްޓްހައުސްއެއް ފާސްކޮށް ހިންގި އޮޕަރޭޝަނެއްގައި ކަމަށެވެ. މި އޮޕަރޭޝަން ހިމެނޭހެން މިދިޔަ ދެމަހު ފުލުހުން ހިންގި އޮޕަރޭޝަންތަކުގައި ގާތްގަނޑަކަށް 100 ކިލޯގެ މަސްތުވާތަކެތި ވަނީ އަތުލައިގެންފައެވެ.
ކޮމެންޓު ފޮނުވާ