އެމްޑީޕީގެ ކުރިޔަށްއޮތް ރިޔާސީ ޕްރައިމަރީއަށް ތައްޔާރު ވުމުގެ ގޮތުން އެ ޕާޓީގެ ރައީސް ސާލިހު ފެކްޝަންއިން ހަރުގެ ޖަލްސާތައް ފަށައިފިއެވެ. ހަރުގެ ޖަލްސާތައް ފެށުނުގެ ގޮތުން ދަނޑިކޮށި ޖަގަހައިގެ ނަމުގައި ހުޅުވި ޖަހަ ހުންނަނީ ޗާންދަނީ މަގުގައެވެ.
މިގޮތުން އެމްޑީޕީގެ އިސް ސަފުގައި ހަރަކާތްތެރިވާ ރައީސް ސާލިހަށް ތާއީދުކުރާ ފަރާތްތަކާއެކީ ރޭވަނީ ހަރުގޭ ފުރަތަމަ ޖަލްސާ ބާއްވާފައެވެ. މި ޖަލްސާގައި ފޮރިންގ މިނިސްޓަރ އަބުދުﷲ ޝާހިދު ވާހަކަ ދައްކަވާފައިވާއިރު، ހެލްތު މިނިސްޓަރ ނަސީމުގެ އިތުރުން ރައީސް ސާލިހަށް ތާއީދުކުރާ މަޖިލިސް ބައެއް މެމްބަރުންވެސްވަނީ ބައިވެރިވެ ވަޑައިގެންފައެވެ.
ރައީސް ސާލިހުގެ ފެކްޝަނުން ހަރުގެ ޖަލްސާތައް ބާއްވާން ފަށާފައިވާއިރު، ކުރިޔަށް އޮތް ޕްރައިމަރީގައި ވާދަކުރުމަށް ފޯމު ހުށަހެޅުމަށް ބޭނުންވާ ތާއީދުފޯމަށް ރައީސް ސާލިހުވެސް ގެންދަވަނީ ސޮއި ހަމަ ކުރައްވަމުންނެވެ. އަދި ޕްރައިމަރީގައި ވާދަކުރުމަށް އެޕާޓީގެ ރައީސް މުހައްމަދު ނަޝީދުވަނީ ރޭގެ ވަގުތެއްގައި ފޯމު ހުށަހަޅުއްވާފައެވެ. އެހެންނަމަވެސް ނަޝީދު ފެކްޝަނުން އަދި މިހާތަަނަށް ކެމްޕޭންގެ ހަރަކާތްތައް ރަސްމީކޮށް ފަށާފައެއް ނުވެއެވެ.
ރޭ ބޭއްވުނު ރައީސް ސާލިހު ފެކްޝަންގެ ހަރުގެ ޖަލްސާގައި ވާހަކަ ދައްކަވަމުން ފޮރިންގ މިނިސްޓަރު އަބުދުﷲ ޝާހިދު ވިދާޅުވެފައިވަނީ މިއޮތީ އަނެއްކާވެސް ރިޔާސީ އިންތިޚާބުގެ ވަގުތު އައިސްފައިކަމަށާއި މިހާރު ބޭނުންވަނީ ރާއްޖޭގައި ހަމަޖެހޭ ވެރިކަމެއް ބޭއްވުން ކަމަށާއި، ބޭނުންވަނީ ގާނޫނަށާއި މުވައްސަސާތަކަށް އިހުތިރާމްކުރާ ވެރިކަމެއް ބޭއްވުން ކަމުގައެވެ.
އަދި ޝާހިދު ވިދާޅުވެފައިވަނީ ވިދާޅުވީ ދައުލަތުން ގެއްލިފައިވާ ފައިސާއަށް ވީގޮތް ނޭގިގެންކަމަށް ބުނެ އިދިކޮޅު ފަރާތްތަކުން ބޭންކު އޮފް މޯލްޑިވްސްއަށައި ދައުލަތުގެ މުވައްސަސާތަކަށް ވަޑައިގަންނަވާއިރު، ފައިސާއަށް ވީގެން އެނގޭނީވެސް ހަމަ އެބޭފުޅުންނަށް ކަމަށެވެ.
ރޭގެ ޖަލްސާއަށް ރައީސް ސާލިހަށް ތާއީދުކުރާ އެމްޑީޕީގެ ގިނަ އަދަދެއްގެ މެމްބަރުން ހާޒިރުވެފައި ވެއެވެ. ރައީސް ސާލިހު ފެކްޝަންގެ ހަރުގެ ހިންގުމުގެ އެންމެ އިސް ފަރާތެއްގެ ގޮތުގައި ހަމަޖައްސާފައި ހުންނަނީ ދާދިފަހުން އެޕާޓީއާއި ގުޅިވަޑައިގެންފައިވާ ރީކޯ މޫސައާއެވެ.
ކޮމެންޓު ފޮނުވާ