ބޮލީވުޑްގެ ސުޕަސްޓާރ އާމިރު ޚާން އަހަރެއް ފަހުން އެނބުރި އަންނާނެ ކަމަށް އޭނާ ބުނެފިއެވެ.
އާމިރު މިއަހަރު ރިލީޒް ކުރި ފިލްމް "ލާލް ސިންގް ޗައްޑާ" ގެ ނާކާމިޔާބީ އާއިއެކުގައި، އާއިލާއަށް ވަގުތު ދިނުމަށް ކަމަށް ބުނެ ފިލްމު އިންޑަސްޓްރީ އާއި ވަނީ ފެޔަށް ޖެހިލާފައެވެ.
2018 ވަނަ އަހަރުގެ ފިލްމު "ތަގްސް އޮފް ހިންދުސްތާން" އަށް ފަހު އޭނާ އެނބުރި އައުން ފާހަގަ ކުރި ފިލްމު "ލާލް ސިންގް ޗައްޑާ" އަށް ލިބުނު ނާކާމިޔާބީ އާއި އެކުގައި ފުން އަސަރެއް ވަނީ އާމިރަށް ކޮށްފައެވެ.
އެ ހިތާމަތަކުން އަރައިގަތުމަށް އަހަރެއްހާ ދުވަސް ނަގާނެ ކަމަށާއި ދެން އަނެއްކާވެސް އެނބުރި އަންނާނީ ތަފާތު މޮޅު ފިލްމަ އަކާއިގެން ކަމަށް އޭނާ ވަނީ ބުނެފައިއެވެ.
View this post on Instagram
އޭނާ ވަނީ ފިލްމު ބޮކްސް އޮފީހުގައި ނުހިނގުމުން އާއިލާއަށް ވަގުތު ދިނުމަށް ކަމަށް ބުނެ އިންޑަސްޓްރީއާއި ފެޔަށް ޖެހިލައިފައެވެ. އަދި އާއިލާ އާއި އެކުގައި ވަގުތު ހޭދަ ނުކުރެވި ދިއުމުން މިހާރު އެކަމާއި ދެރަވާ ކަމަށާއި މި ހޭދަވާ މުއްދަތުގައި އޭނާ ބޭނުންވަނީ ހުރިހާ ވަގުތެއް އާއިލާ އަށް ދިނުމަށް ކަމަށް ބުނެފައި ވެއެވެ.
މިއީ އާމިރު އާއިލާ އާއި އެކުގައި ވަގުތު ހޭދަ ކުރުމަށް ވަރަށް މުހިންމު ވަގުތެއްވެސް މެއެވެ. އެނާ ގެ އަންހެން ދަރިފުޅު އިރާ ޚާން ވަނީ ދާދިފަހުން ލޯބިވެރިޔާއާ އެންގޭޖް ކޮށްފައެވެ. އެހެންކަމުން މާ ލަސްތަކެއް ނުވެ އެމީހުން ކައިވެނި ކުރާނެ ކަމަށް ބެލެވެއެވެ.
View this post on Instagram
ކާމިޔާބު އެތައް ފިލްމު ތަކެއް ކުޅެފައިވާ އެކްޓަރުގެ ހާއްސަ ފެނިލުމެއް މިމަހުގެ 9 ވަނަ ދުވަހުގައި ބެލުންތެރިންނަށް ގެނެސްދިން ފިލްމު "ސަލާމް ވެންކީ" އިން ފެނިގެންދިޔައެވެ. މި ފިލްމަކީ ކާޖޮލް ލީޑް ކުޅެ، ރެވަތީ ޑައިރެކްޓް ކުރި ވަރަށް އަސަރުގަދަ ފިލްމްއެކެވެ.
