ކައިވެނި ކުރަން އާއިލާ އިން ބާރު ނާޅާ ކަމަށާއި މި ވަގުތު އެކަމަށް އެއްވެސް ޕްރެޝަރެއް ނެތް ކަމަށް ބޮލީވުޑްގެ ތަރި ކާތިކް އާރިއާން ބުނެފިއެވެ.
ޒުވާން ކާތިކަކީ ސޯޝަލް މީޑިއާގައި ވަރަށް ފޭން ބޭސް ބޮޑު އެކްޓަރެކެވެ. އަދި ހަަމަ އެހެންމެ ޒުވާން އަންހެން ކުދިންގެ މެދުގައި ކާތިކަކީ މަގުބޫލް ތަރިއެކެވެ. ކާތިކްގެ ކައިވެންޏަށް އެތައް ޒުވާން އަންހެން ކުދިންނެއް ދަނީ އެދެމުންނެވެ.
View this post on Instagram
މިހާރު ބޮލީވުޑުގައި ހުރި އެންމެ ކާމިޔާބު އެއް އެކްޓަރު، ކާރްތިކް، 32، ނިއުސް18 އަށް ދިން އިންޓަވިއުއެއްގައި ބުނީ ކައިވެނީގެ އެއްވެސް ޕްލޭނެއް މި ވަގުތު ނެތަސް، އެފަދަ ގުޅުމަކާ ހަމައަށް މުސްތަގުބަލުގައި އަދި ދާނެކަމަށެވެ. ހަމައެހެންމެ މި ވަގުތު ބައިވެރިއަކު ނޫނީ ލޯބިވެރިއަކު ނެތް ކަމަށްވެސް އޭނާ ވަނީ ބުނެފައެވެ.
View this post on Instagram
އެންމެ ފަހުން ކާތިކާ އަޅުވާ ކިޔާފައިވަނީ ރިތިކް ރޯޝަންގެ ކަޒިންއެއް ކަމުގައިވާ ޕަޝްމީނާ ރޯޝަންއާއިއެވެ. ނަމަވެސް އެދެމިހުންގެ ގުޅުމުގެ ތެދު ދޮގު އަދި އޮތީ ހާމަނުވެއެވެ. މި އަޑުތަކެއް އެރުމުގެ ކުރިން ބަތަލާ ސާރާ އަލީ ޚާނާއި ވެސް ކާތިކް ލޯބީގެ ގުޅުމެއް އޮތެވެ. އެދެމީހުން ރައްޓެހިވީ އެކުގައި ކުޅުނު ފިލްމު "ލަވް އާޖްކަލް2″ ކުޅުނު ދުވަސްވަރުއެވެ. ނަމަވެސް އެގުޅުން މާގިނަދުވަހަކު ދެމިއެއް ނޯތެވެ. އެގުޅުން ދެމި އޮތީ ފިލްމު ރިލީޒް ވުމާއި ހަމައަށެވެ.
ކާތިކް ބުނިގޮތުގައި އޭނާގެ މަންމަ ވެސް އެދެނީ އޭނާ މި ވަގުތު މަސައްކަތަށް ސަމާލުކަންދޭށެވެ. ދެތިން އަހަރު ފަހުން ކައިވެންޏެއް ކުރަން މަންމަގެ މައްސަލައެއް ނެތް ކަމަށް ކާތިކް ބުންޏެވެ. އެހެންކަމުން މިވަގުތު ހުރިހާ ފޯކަސް އެއް ހުރީ ކެރިއަރަށް ކަމަށް އޭނާ ވަނީ ބުނެފައެވެ.
އޭނަގެ އަތުގައި މިހާރު ވެސް ގިނަ ޕްރޮޖެކްޓަތެކެއް އެބަ ހުއްޓެވެ. އޭގެ ތެރޭގައި "ސަތިއަޕްރޭމް ކީ ކާތާ"، "ޝެހެޒާދާ"، "ކެޕްޓަން އިންޑިއާ"، "އާޝިގީ 3″ އަދި ޑައިރެކްޓަރު ކަބީރް ޚާންގެ، ނަން އިއުލާން ނުކުރާ ފިލްމެއް ހިމެނެ އެވެ. އެންމެ ފަހުން އޭނާ ފެނިގެންދިޔައީ މިދިއަ ހުކުރު ދުވަހުގައި ޑިޒްނީ ޕްލަސް ހޮޓްސްޓާ އިން ޕްރީމިއާކުރި "ފްރެޑީ"އިންނެވެ.
