ސަރުކާރު ހިންގާ ކޯލިޝަނުގައި ހިމެނޭ އަދާލަތު ޕާޓީގެ އައްޑޫ ސިޓީ ހިތަދޫ އުތުރު ދާއިރާގެ ރައީސް އިނާޒް މުހައްމަދު އިބްރާހިމް އިދިކޮޅު ޕީޕިއެމްއާ ގުޅިވަޑައިގެންފިއެވެ. އޭނާ ޕީޕީއެމްއާ ގުޅިވަޑައިގަތީ މިހާރު އައްޑޫސިޓީއަށް ވަޑައިގެން އުޅުއްވާ ޕީޕީއެމްގެ ރައީސް އަދި އިދިކޮޅު ރިޔާސީ ކެނޑިޑޭޓޫ ރައީސް ޢަބްދުﷲ ޔާމީން ޢަބްދުލްޤައްޔޫމުގެ ޙާޒިރުގައެވެ.
އިނާޒަކީ އައްޑޫ ސިޓީގެ މަޝްހޫރު ވިޔަފާރިވެރިއެއްކަމަށްވާ ފަޒާ މުހައްމަދު އިބްރާހިމްގެ ދަރިކަލުންނެވެ.
Mash’hooru viyafaari veriyaa Fazaa Mohamed Ibrahim didi ge dharikalun adhi Adhaalath Party ge Hithadhoo Uthuru Dhaairaage Raees Inaz Mohamed didi mirey PPM aa gulhivadaigenfi. Marhabaa Inaz #MavesPPM #AfirinYameen pic.twitter.com/2eRDXuDxrJ
— Progressive Party of Maldives (@ProgressPartyMV) November 10, 2022
އިނާޒަކީ ޒިންމާދާރު ތަޢުލީމީ ޒުވާނެއްކަމަށާ، އޭނާ ޕީޕީއެމްއާ ގުޅުމަކީ އެޕާޓީއަށް ރާއްޖޭގެ ޒުވާނުންގެ ތާޢީދާއި ސަޕޯޓު އިތުރުވެގެންދާކަމުގެ ހެއްކެއްކަމަށް ޕީޕީއެމްއިން ދެކެއެވެ. އެކައުންޓިންގެ ދާއިރާއިން މަތީތަޢުލީމު ހާސިލުކުރައްވާފައިވާ އިނާޒަކީ މޯލްޑިވްސް ސެންޓަރ ފޯ އިސްލާމިކް ފައިނޭންސް ލިމިޓެޑް (އެމްސީއައިއެފްއެލް)ގެ ބޯޑުގައި ވެސް މަސައްކަތް ކުރައްވައިފައިވާ ބޭފުޅެއްކަން ޕީޕީއެމްއިން ފާހަގަކުރެއެވެ.
ރައީސް ޔާމީން މިހާރު އައްޑޫ ސިޓީއަށް ކުރައްވަމުން ގެންދަވާ ކެމްޕެއިން ދަތުރުފުޅުގައި އެސިޓީން ގިނަބަޔަކު ޕީޕީއެމްއާ ގުޅެމުންދާކަން ފާހަގަކުރެވެއެވެ. ރައީސް ޔާމީނަށް މަރުޙަބާ ދެންނެވުމަށް އައްޑޫސިޓީން އާދަޔާޚިލާފަށް ގިނަބަޔަކު އެއްވިއެވެ. މިދަތުރުފުޅުގައި އެމްޑީޕީއަށް ނިސްބަތްވާ އައްޑޫގެ މަޝްހޫރު ބޭބޭފުޅުންގެ ޢާއިލާތަކުގެ މީހުން ޕީޕީއެމްއާ ގުޅިފައިވެއެވެ. އެގޮތުން ރައްޔިތުންގެ މަޖިލީހުގެ މަރަދޫ ދާއިރާގެ އެމްޑީޕީ މެމްބަރު އިބްރާހިމް ޝަރީފްގެ މަންމަ އާއި އެއާއިލާގެ 6 މެންބަރަކާއި ރައްޔިތުންގެ މަޖިލީހުގެ ހިތަދޫ ދެކުނު ދާއިރާގެ އެމްޑީޕީ މެންބަރު އިބްރާހިމް ނާޒިލްގެ ކޮށްކޮ ފާހަގަކޮށްލެވެއެވެ.
ކޮމެންޓު ފޮނުވާ