ބ. ދަރަވަންދޫ ގޮނޑުދޮށް ހިމާޔަތް ކުރުމުގެ މަޝްރޫޢުގެ މަސައްކަތަށް ބޭނުންވާ ބޮޑު ހިލައިގެ ތިންވަނަ ޝިޕްމެންޓް މިހާރު ޕްރޮޖެކްޓް ސައިޓައް ގެންގޮސްފައިވާކަމަށާ، ޖިއޯބޭގް ރިވެޓްމެންޓް ޖެހުމުގެ މަސައްކަތުގެ %51 ވަނީ ނިންމާލެވިފައިވާކަމަށް އެމްޓީސީން ބުނެފިއެވެ.
ބ. ދަރަވަންދޫ ގޮނޑުދޮށް ހިމާޔަތް ކުރުމުގެ މަޝްރޫޢުގެ މަސައްކަތައަ ބޭނުންވާ ބޮޑު ހިލައިގެ ތިންވަނަ ޝިޕްމެންޓް މިހާރު ވަނީ ޕްރޮޖެކްޓް ސައިޓައް ގެންދެވިފައެވެ. އަދި، ޖިއޯބޭގް ރިވެޓްމެންޓް ޖެހުމުގެ މަސައްކަތުގެ %51 ވަނީ ނިންމާލެވިފައެވެ.#MTCCProjects #RayyithungeKunfuni pic.twitter.com/bYszTU38Xc
— MTCC Plc (@MTCCPlc) November 7, 2022
ބ.ދަރަވަންދޫ ގޮނޑުދޮށް ހިމާޔަތް ކުރުމުގެ އަމަލީ މަސައްކަތް ފަށާފައިވަނީ މިއަހަރުގެ މެއި މަހުގެ 29 ވަނަ ދުވަހުއެވެ.
މި މަސައްކަތަކީ އެރަށަށް ދިމާވެފައިއޮތް ރަށްގިރުމުގެ މައްސަލައަށް ހައްލެއް ހޯދުމަށް ކުރިއަށްގެންދާ މަޝްރޫޢެކެވެ. މިމަޝްރޫޢުގެ މަސައްކަތް ސަރުކާރުން ޙަވާލުކޮށްފައިވަނީ އެމްޓީސީސީއާއެވެ.
މިއީ ދިވެހި ސަރުކާރާއި މޯލްޑިވްސް ގްރީން ފަންޑުން ޚަރަދުކޮށްގެން ކުރިއަށްގެންދާ މަޝްރޫއެކެވެ. މިމަޝްރޫޢުގެ ދަށުން 10،800 އަކަމީޓަރުގެ ވެލި، ދަރަވަންދޫ ގޮނޑުދޮށުން ގިރާ ސަރަޙައްދަށް އަޅަން ހަމަޖެހިފައިވެއެވެ. އަދި 490 މީޓަރުގެ ބޭރުތޮށްޓެއް ލުމާއި، 96 މީޓަރުގެ ރިވެޓްމެންޓް ޖެހުމަށް ހަމަޖެހިފައިވެއެވެ. މިއީ 22.14 މިލިއަން ރުފިޔާގެ މަޝްރޫޢެކެވެ.
