ފިލްމުތަކުން ފުރުސަތު ހޯދުމަށް ޕްރޮޑިއުސަނުންނަށް ލާރި ހޭދަކުރާހާ ތަނަވަސް ނޫން ކަމަށް ބޮލީވުޑްގެ ޒުވާން ބަތަލާ ޖާންވީ ކަޕޫރް ބުނެފިއެވެ.
އޭނާ މިހެން ބުނެފައިވަނީ އަންނަ މަހުގެ 4 ގައި ސިނަމާތަކަށް ގެންނަން ހަމަޖެހިފައިވާ ފިލްމު "މިލީ" ގެ ޕްރޮމޯޝަންގެ ތެރެއިން ސިދާތު ކަންނާންއަށް ދިން އިންޓަވިއުއެއްގައިއެވެ.
ނެޕޮޓިޒަމްގެ ބަހުސާއެކު އެންމެ ބޮޑު ފާޑުކިޔުމެއް ކުރިމަތިވާ އެއް "ސްޓާ ކިޑް" އަކީ ޒުވާން ތަރި، ޖާންވިއެވެ. އޭނާއަށް އިނގިލި ދިއްކުރާ އެންމެ ބޮޑު އެއް ސަބަބީ އޭނާގެ މަންމަ ޝްރީދޭވީ އަކީ ބޮލީވުޑްގެ އޭލިސްޓްގެ ކުރީގެ ތަރިއަކަށް ވެފައި ބައްޕަ އަކީ ޕްރޮޑިއުސަރު ބޯނީ ކަޕޫރަށް ވުމެވެ.
25 އަހަރުގެ ބަތަލާ މި ވާހަކަތަކާ ގުޅިގެން ވާހަކަ ދައްކަމުން ބުނެފައިވަނީ ޕްރޮޑިއުސަރުންނަށް ދޭނެ ފައިސާ އަމިއްލަ އަތުގައި ވެސް އަދި ބައްޕަ ބޯނީ ކަޕޫރްގެ އަތުގައި ވެސް ނެތް ކަމަށެވެ. އަދި އެމީހުންނަކީ ހީކުރާހާ ތަނަވަސް ބައެއް ނޫން ކަމަށް ވެސް ވަނި ބުނެފައެވެ.
View this post on Instagram
ޖާންވީ ބުނީ އޭނާގެ ފުރަތަމަ ފިލްމު "ދަޅަކް" އަކީ ފަހަރުގައި އެމީހުންގެ ދަރިއަކަށް ވުމުން ލިބުނު ފުރުސަތަކަށް ވެދާނެކަމަށެވެ. ނަމަވެސް އެ ފިލްްމަށް ފަހު އޭނާއަށް ފިލްމު ލިބެނީ އޭނާގެ ގައިގައި ހުނަރު ހުރުމުން ކަމަށެވެ. "ދަޅަކް" އަކީ ބޮލީވުޑްގެ މިހާރުގެ އެންމެ ވަރުގަދަ ސްޓޫޑިއޯތަކުގެ ތެރޭގައި ހިމެނޭ ކަރަން ޖޯހަރްގެ ދަރުމާ ޕްރޮޑަކްޝަންގެ ފިލްމެކެވެ.
View this post on Instagram
އެންމެ ފަހުން ޖާންވީ ފެނިފައި ވަނީ "ގުޑްލަކް ޖެރީ" އިންނެވެ. އޭނާގެ ކުރިއަށް އޮތް ފިލްމަކީ ސަވައިވަލް ތުރިލާއެއް ކަމަށްވާ، "މިލީ" އެވެ.
