އަކްޝޭ ކުމާރުގެ ކުރިއަށް އޮތް ފިލްމު "ރާމް ސެތޫ"ގެ ޓްރެއިލާ ދައްކާލައިފިއެވެ.
މި ފިލްމުގައިި އަކްޝޭ ފެނިގެންދަނީ އާކިއޮލޮޖިސްޓެއްގެ ގޮތުގައެވެ.
އަކްޝޭ ކުމާރުގެ އިތުރުން ފިލްމުގައި ދެ ބަތަލާއަކު ފެނިގެން ދާނެއެވެ. އެއީ ޖެކޮލިން ފެނާންޑޭޒް އާއި ނުޝްރަތު ބަރޫޗާއެވެ. މި ފިލްމަކީ އަަންނަ މަހުގެ 25 ގައި ރިލީޒް ކުރުމަށް ތާވަލް ކޮށްފައިވާ ފިލްމެކެވެ.
މި އެކްޝަން-އެޑްވެންޗަރ ފިލްމަކީ އަބީޝެކް ޝަރުމާ ޑައިރެކްޓްކޮށްފައިވާ ފިލްމެކެވެ. އޭނާ އެންމެ ފަހުން ބެލުންތެރިންނަށް ގެނެސްދިން ފިލްމަކީ 2020ގެ "ސޫރަޖް ޕޭ މަންގަލް ބާރީ" އެވެ.
މި ފިލްމަކީ މި އަހަރު ރިލީޒްކުރާ އަކްޝޭގެ 5 ވަނަ ފިލްމެވެ. މިއަހަރު ރިލީޒްކުރި އަކްޝޭގެ ހުރިހާ ފިލްމަކަށްވެސް ލިބުނީ ވަރަށް ފިނި ތަރުހީބެކެވެ. ބަލާނެ މީހަކު ނުވެ އެންމެ ފަހުން ހުރިހާ ފިލްމްއެއްގައިވެސް ފްލޮޕް ބޯޑު ވަނީ އަޅުވައިފައިއެވެ.
އެންމެ ފަހުން ރިލީޒްކުރި އޭނަގެ ފިލްމަކީ ޑިޒްނީ ޕްލަސް ހޮޓްސްޓާ އިން މިދިޔަ މަހުގެ 2 ގައި ޕްރީމިއާކުރި "ކަތުޕުތުލީ" އެވެ. މި އަހަރު ރިލީޒްވި އަކްޝޭގެ އިތުރު ފިލްމުތަކަކީ "ބައްޗަން ޕާންޑޭ" އާއި "ސަމްރާޓް ޕްރިތުވީރާޖް" ގެ އިތުރުން "ރަކްޝާބަންދަން" އެވެ.
ކޮމެންޓު ފޮނުވާ