މާވެލް ސްޓޫޑިއޯ އިން ނެރޭ ފިލްމުތަކުގެ ތެރެއިން އެންމެ ގިނަ ބައެއް އިންތިޒާރު ކުރަމުން އަންނަ "ބްލެކް ޕެންތާ"ގެ ދެވަނަ ބައި "ވަކަންޑާ ފޮރެވާ" ގެ އައު ޓްރެއިލާ އެއް އާންމުކޮށްފިއެވެ.
އެންމެ ގިނަ ބަޔަކު އިންތިޒާރު ކުރަމުން އަންނަ މި ފިލްމް މީގެ ތިން މަހެއްހާ ދުވަސް ކުރިން ނެރުނު "ބްލެކް ޕެންތާ: ވަކަންޑާ ފޯ އެވާ"ގެ ޓްރެއިލާ ގެނެސްދީފައި ވަނީ ވަރަށް ޝައުގުވެރިކޮށް، ފިލްމުގެ ޖާދޫގައި ވަރަށް ބޮޑަށް ޖައްސާނެ ފަދަ ގޮތަކަށެވެ.
“Show them who we are.” Watch the brand-new trailer for Marvel Studios’ Black Panther: #WakandaForever, only in theaters November 11.
Get tickets now: https://t.co/XGLcVknhzs pic.twitter.com/VZC5x1zern
— Marvel Studios (@MarvelStudios) October 3, 2022
2018 ގައި ނެރުނު ބްލެކް ޕެންތާގެ ފުރަތަމަ ފިލްމަކީ މިހާތަނަށް އެ ސްޓޫޑިއޯ އިން ތައްޔާރުކުރި ފިލްމުތަކުގެ ތެރެއިން އެންމެ މަތިން ރޭޓިން ލިބުނު އެއް ފިލްމެވެ.
މިއަހަރުގެ ނޮވެމްބަރު 11 ވަނަ ދުވަހު ސިނަމާތަކަށް ގެންނަން ހަމަޖެހިފައިވާ މި ފިލްމު ޑައިރެކްޓު ކޮށްފައި ވަނީ ފުރަތަމަ ބައިވެސް ލިޔެ ޑައިރެކްޓުކުރި ރަޔަން ކޫގްލާއެވެ.
"ބްލެކް ޕެންތާ: ވަކަންޑާ ފޯ އެވާ" ގައި ކުރީގެ ބައެއް ތަރިންނާއެކު އިތުރު އައު ބޮޑު ކާސްޓެއްވެސް ފެންނާނެއެވެ. އޭގެ ތެރޭގައި ލެޓީޝިއާ ރައިޓް، ލުޕިޓާ ނިއޮންގޯ، ވިސްޓަން ޑޫކް، އެންޖެލާ ބެސޭ އަދި ޑާނިއާ ގްރީރާ ފަދަ ތަރިން ހިމެނެއެވެ.
ކޮމެންޓު ފޮނުވާ