ބޮލީވުޑްގެ މަޝްހޫރު ނެށުންތެރިޔާ ނޯރާ ފަތޭހީ ފަރި ނޭށުންތައް ހިމެނޭ، އަންނަ މަހު ގަތަރުގައި ފަށާ މި އަހަރުގެ ވޯލްޑް ކަޕްގެ ތީމް ލަވަ ދައްކާލައިފިއެވެ.
މީގެ ކުރިން އޭނާގެ އިންސްޓްގްރާމްގައި އެ ލަވައިގެ ޓިޒާ ކޮޅުތައް ވަނީފޭނުންނާއި ހިއްސާ ކޮށްފައިއެވެ. މި ލަވަ ރަސްމީކޮން މިހާރު ލޯންޗް ކޮށްފައިވާ އިރުގައި ލަވައިގެ ނަމަކީ "ލައިޓް ދަ ސްކައި" އެވެ.
މި ވަލައިގައި ނޯރާގެ ވަރުގަދަ ނެށުންތަކެއް ފެނިގެންދާނެއެވެ. މީގެ އިތުރުން ލަވައިގެ ބައެއް ނޯރާ ކިޔައިފައިވެސް ވެއެވެ. ބެލީ ޑާންސްގައި މަޝްހޫރު ނޯރާގެ ލަވަ ޕްރޮޑިިއުސްކުރަނީ ދުނިޔޭގެ އެންމެ ވަރުގަދަ ރިކޯޑް ޕްރޮޑިއުސަރުންގެ ތެރޭގައި ހިމެނޭ ރެޑްވަން އިންނެވެ. އޭނާއަކީ ވޯލްޑް ކަޕަށް މީގެ ކުރިން އެންމެ މަޝްހޫރުވި "ވައްކާ ވައްކާ" އާއި "ލާ ލާ ލާ" ވެސް ޕްރޮޑިއުސްކުރި ފަރާތެވެ.
The latest single from the FIFA World Cup Qatar 2022™ Official Soundtrack has just been released! 🚨
'Light The Sky' features @BalqeesFathi, Nora Fatehi, Manal, @RahmaRiad and @RedOne_Official ✨
Watch the official music video ⤵️
— FIFA World Cup (@FIFAWorldCup) October 7, 2022
ބޮލީވުޑްގައި މަސައްކަތްކުރާ ފަންނާނަކަށް މިފަދަ ޝަރަފެއް ލިބިފައިވާތީ އިންޑިއާގެ ވަރަށް ގިނަ ބަޔަކު އެކަމާ އުފާކޮށް ނޯރާ އަންނަނީ މަރުހަބާ ކިޔަމުންނެވެ. އޭނަގެ މަގުބޫލު އައިޓަމް ލަވަތަކުގެ ތެރޭގައި ފިލްމު "ސަތިއަމޭވް ޖަޔަތޭ" ގެ "ދިލްބަރް"، ފިލްމު "ސްޓްރީޓް ޑާންސާ" ގެ "ގަރްމީ"، ފަދަ ލަވަތަށް ފާހަގަ ކޯށްލެވެއެވެ.
