ހުޅުމާލޭގައި ޑޭކެއަރ ސެންޓަރަކާއި ޕާކިން ބިލްޑިންއެއް އެޅުމަށް އެޗްޑީސީން ބަޔަކާއި ހަވާލުކޮށްފިއެވ. މީގެ ތެރެއިން ޑޭކެއަރ ސެންޓަރެއް އެޅުމަށް އެސޯޝިއޭޓް ބިސްނަސް އޭޖެންޓް (އަބާ) އާއި ހަވާލު ކޮށްފައި ވާއިރު، ޕާރކިމް ބިލްޑިންގ އެޅުމަށް ހަވާލު ކޮށްފައިވަނީ ދަމާސް ކޮމްޕެނީ ޕްރައިވެޓް ލިމިޓެޑާއެވެ.
މި އެއްވަސްވުންތަކުގައި ސޮއި ކޮށްފައިވަނީ އެޗްޑީސީގައި ބޭއްވުނު ޚާއްސަ ރަސްމިއްޔާތެއްގައި، އެޗްޑީސީގެ އެމްޑީ އަހުމަދު އާތިފްއާއި އަބާގެ އެމްޑީ އަބުދުﷲ ގާސިމްއާއި ދަމާސްގެ އެމްޑީ އަހުމަދު ސާލިހުއެވެ.
އެޗްޑީސީން ބުނެފައިވަނީ، ހުޅުމާލޭގައި އަޅާ ޑޭކެއަރ ސެންޓަރު ވެގެންދާމީ، ވަޒީފާ އަދާކުރާ އަންހެން ކަނބަލުން ވަޒީފާއަށް ދާއިރު، ދަރިންނަށް ރައްކާތެރި މާހައުލެއް ފޯރުކޮށްދޭނެ ތަނަކަށް ކަމުގައެވެ.
3،000 އަކަފޫޓުގެ، 6 ފަންގިފިލާ ހިމެނޭ މި އިމާރާތުގައި ޑޭކެއަރ ސެންޓަރުގެ އިތުރުން ކުޑަކުދިންނާއި ނުކުޅެދުންތެރިކަން ހުންނަ ކުދިންނަށް ފަރުވާދޭނެ ޚާއްސަ ކުލިނިކެއްވެސް ހުންނާނެ ކަމުގައެވެ. އެޗްޑީސީން ބުނެފައިވަނީ މި ޑޭ ކެއަރ ސެންޓަރު 2 އަހަރު ތެރޭ ނިންމާލެވޭނެ ކަމުގައެވެ.
ހުޅުމާލޭގައި ބިނާ ކުރެވޭ، 24،700 އަފީޓުގެ 6 ފަންގިފިލާ ހިމެނޭ ޕާރކިންގ ބިލްޑިންގގައި ބޭސްމަންޓެއް ހުރުމުގެ އިތުރުން ވެލެޓް ޕާރކިންގވެސް ހުންނާނެއެވެ. އަދި މި އިމާރާތުގައި ނުކުޅެދުންތެރިކަން ހުންނަ ފަރާތްތަކަށް ޚާއްސަ ޕާކިންގ ހުންނާނޭ ކަމަށްވެސް އެޗްޑީސީން ބުނެފައި ވެއެވެ.
އޭގެ އިތުރުން މި ޕާރކިންގ ބިލްޑިންގައި ފުޑް ކޯޓުތަކާއި ފާޚާނާއާއި ފިހާރަތައްވެސް ހުންނާނެއެވެ. އެޗްޑީސީން ހާމަކޮށްފައިވާ ގޮތުގައި މި އިމާރާތުގެ ފުރާޅުގައި ސޯލާ ޕެނަލްތައް ހަރުކުރުމަށްވެސް ވަނީ ހަމަޖެހިފައެވެ. މި ބިންޑިންގެ މަސައްކަތްތައްވެސް ދެ އަހަރުތެރޭ ނިންމާލެވޭނެކަމަށްވެސް އެދްޑީސީން ބުނެފައި ވެއެވެ.
