އަކްޝޭ ކުމާރުގެ ކުރިއަށް އޮތް ފިލްމު "ރާމް ސެތޫ"ގެ ޓީޒާއެއް ދައްކާލައިފިއެވެ. މި ފިލްމުގައިި އަކްޝޭ ފެނިގެންދަނީ އާކިއޮލޮޖިސްޓެއްގެ ގޮތުގައެވެ.
އަކްޝޭ ކުމާރުގެ އިތުރުން ފިލްމުގައި ދެ ބަތަލާއަކު ފެނިގެން ދާނެއެވެ. އެއީ ޖެކޮލިން ފެނާންޑޭޒް އާއި ނުޝްރަތު ބަރޫޗާއެވެ. މި ފިލްމަކީ އަަންނަ މަހުގެ 25 ގައި ރިލީޒް ކުރުމަށް ތާވަލް ކޮށްފައިވާ ފިލްމެކެވެ.
މި އެކްޝަން-އެޑްވެންޗަރ ފިލްމަކީ އަބީޝެކް ޝަރުމާ ޑައިރެކްޓްކޮށްފައިވާ ފިލްމެކެވެ. އޭނާ އެންމެ ފަހުން ބެލުންތެރިންނަށް ގެނެސްދިން ފިލްމަކީ 2020ގެ "ސޫރަޖް ޕޭ މަންގަލް ބާރީ" އެވެ.
View this post on Instagram
މި ފިލްމަކީ މި އަހަރު ރިލީޒްކުރާ އަކްޝޭގެ 5 ވަނަ ފިލްމެވެ. މީގެ ކުރިން ރިލިޒް ކުރި އަކްޝޭގެ ހުރިހާ ފިލްމަކަށް ވެސް ކާމިޔާބެއް ނުލިބެއެވެ. އެންމެ ފަހުން ރިލީޒްކުރި އޭނަގެ ފިލްމަކީ ޑިޒްނީ ޕްލަސް ހޮޓްސްޓާ އިން މި މަހުގެ 2 ގައި ޕްރިމިއާކުރި "ކަޓްޕުތުލީ" އެވެ.
