ބޮލީވުޑްގެ މަޝްހޫރު އެކްޓަރު އާމިރު ޚާންގެ ހުރި ހަމަ އެކަނި އަންހެން ދަރިފުޅު އިރާ ޚާނާއި ދުވަސްވީ ލޯބިވެރިޔާ އެންގޭޖް ވެއްޖެއެވެ.
އިރާ ލޯބީގެ ގޮތުން ގުޅިގެން އުޅެނީ އާމިރު ޚާންގެ ފިޓްނަސް ޓްރެއިނާ ނުޕޫރް ޝިކާރޭއާއެވެ. ބައްޕަ އާއި ހިލާފަށް އިރާ އަކީ ބޮލީވުޑަށް އެއްވެސް ޝައުގުވެރިކަމެއް ނެތް ކުއްޖެކެވެ.
ނަމަވެސް ސުޕަސްޓާރެއްގެ ދަރިއެއް ކަމުން ޕަޕަރާޒީންގެ އުނދަގުލުން އޭނާއަށް ވެސް ވަކި ސަލާމަތެއް ނުވެވެއެވެ. ފިޓްނަސް ޓްރެއިނާ ނުޕޫރް އާއި އިރާ ރައްޓެހިވީ 2020 ގައިއެވެ.
View this post on Instagram
އުމުރުން 25 އަހަރުގެ އިރާ އާއި ނުޕޫރްގެ ގުޅުމަށް ދެ ފަރާތުގެ އާއިލާގެ ރުހުން ވެސް ވަރަށް ބޮޑަށް ލިބިފައިވެއެވެ. އިރާ އާއި ނުޕޫރް އެންގޭޖްވިކަން ހާމަކުރީ ދެ މީހުންގެ އިންސްޓަގްރާމްގައި އާންމުކުރި ވީޑިއޯއެއްގައެވެ.
ވަރަށް ހާމަކަން ބޮޑުކަން އެމީހުންގެ ގުޅުން ކުރިއަށް ގެންދާއިރު އެމީހުން އެކުގައި އުޅޭ ފޮޓޯއާއި ވީޑިއޯތައް އަންނަނީ ސޯޝަލް މީޑިއާގައި ހިއްސާ ކުރަމުންނެވެ.
View this post on Instagram
އިރާ އަކީ އާމިރުގެ ފުރަތަމަ ކައިވެންޏަށް ލިބުނު ދެ ކުދިންގެ ތެރެއިން ހަގު ކުއްޖާ އެވެ. އާމިރާއި ރީނާ ދައްތާއަށް ލިބުނު އަނެއް ކުއްޖާ އަކީ ބޮލީވުޑަށް ނުކުންނަން ތައްޔާރުވަމުން އަންނަ ޖުނައިދު ޚާން، 29، އެވެ. އާމިރާއި ރީނާ 1986 ގައި ކުރި ކައިވެނި ރޫޅުނީ 2002 ގައެވެ.
