ކ.ދިއްފުށީގައި ލެބޯޓްރީގެ ޚިދުމަތްދޭން ފަށައިފިއެއެވެ. އެ ރަށުގައި މިއަދު އެ ޚިދުމަތް ފަށްޓަވައިދެއްވީ ހެލްތު މިނިސްޓްރީގެ ސްޓޭޓް މިނިސްޓަރ އަހްމަދު ޢާދިލެވެ.
މިޚިދުމަތާއެކު އެތައް ފަސޭހައެއް އެރަށުގެ ރައްޔިތުންނަށް ވަނީ ލިބިގެންގޮސްފައެވެ. އަދި ކުރިއަށް އޮތްތަނުގައި ރަށުންބޭރަށް ނުގޮސް ތެލެސީމިއާ ކުދިންނަށް އެރަށުން ލޭ އެޅޭނެ އިންތިޒާމު ހަމަޖައްސަވާނެ ކަމަށް މިނިސްޓްރީން ބުންޏެވެ. ލެބޯޓްރީގެ ޚިދުމަތް ފެށުމުން ޢާންމުކޮށް ހަދަންޖެހޭ ގިނަ މެޑިކަލް ޓެކްޓްތައް އެރަށުން ހެދޭނެކަމަށް ހެލްތު މިނިސްޓްރީން ބުންޏެވެ.
އިލެކްޓްރޮލައިޓްސް، ބޯން ޕްރޮފައިލް، ސީރޮލޮޖީ ޓެސްޓް، ކޮންޕްލީޓް ބްލަޑް ކައުންޓް ޓެސްޓު
• އޭގެ ސަބަބުން ހަކުރުބަލި، ހިތުގެ ބަލި، ލޭމައްޗަށްދާ ބަލި، ކިޑްނީ މައްސަލަތައް ދެނެގަތުމަށް ފަސޭހަވެ، ކުރިޔާލާ ބަލި ދެނެގަތުމަށް މަގުފަހިވެގެންދާނެ. pic.twitter.com/K5CZs1qwDm— Ministry of Health (@MoHmv) September 14, 2022
އޭގެ ސަބަބުން ހަކުރުބައްޔާއި ހިތުގެ ބައްޔާއި ލޭމައްޗަށްދިއުމާއި ކިޑްނީ މައްސަލަތައްފަދަ ޢާއްމުކޮށް ފާހަގަކުރެވޭ ބޮޑެތި ބަލިތައް ދެނެގަތުމަށް ފަސޭހަވެ، ދުރާލައި ބަލިތައް ދެނެގަތުމަށް މަގުފަހިވާނެކަމަށް ހެލްތު މިނިސްޓްރީން ވިދާޅުވެއެވެ. މިނިސްޓްރީން ވިދާޅުވިގޮތުގައި ރާއްޖޭގައި އާންމުކޮށް މަދިރީގެ ޒަރިއްޔާއިން ފެތުރޭ ޑެންގޫ ފަދަ ބަލިތަކާއި ގުޅުންހުރި ޓެސްޓުތަކާއި، މާބަނޑު މީހުން ގަވާއިދުން ހަދަންޖެހޭ ޓެސްޓުތައް ހެދުމަށް ވެސް މި ލެބޯޓްރީގެ ސަބަބުން މަގުފަހިވެގެންދާނެއެވެ.
ލެބޯޓްރީއާއެކު މިއަދުވަނީ އިމަޖެންސީ ހާލަތުގައި ކުއްލި ފަރުވާ ލިބޭނެ ނިޒާމެއްވެސް ގާއިމުކޮށް ހުޅުވާފައެވެ.
