ބޮލީވުޑްގެ ޒުވާން އެކްޓަރ ޓައިގާ ޝްރޯފަށް ބަތަލާ ޝްރައްދަ ކަޕޫރު ވަރަށް ކަމުދާ ކަމަށް ބުނެ އޭނާއަށް ވަރަށް ތައުރީފް ކޮށްފިއެވެ.
މިހާރު ފަށައިގެން އުޅޭ "ކޮފީ ވިތު ކަރަން"ގެ 7 ވަނަ ސީޒަންގައި ޓައިގާ ބައިވެރިވެފައި ވަނީ ބަތަލާ ކްރިތީ ސެނޮންއާ އެކުގައެވެ.
މި ޝޯގައި ވާހަކަ ދައްކަމުން ޓައިގާ ބުނީ އޭނާއަށް ޝްރައްދާ ވަަރަށް ކަމުދާ ކަމަށެވެ. އަދި އޭނާއަށް ޝްރައްދާ ކަމުދާން ފެށީ އިއްޔެއަކު މިއަދަކު ނޫން ކަމަށާއި އެއީ އޭނާގެ ކްރަޝްއެއް ކަމަށެވެ.
View this post on Instagram
އަދި ސްކޫލް ދައުރުން ފެށިގެން ޝްރައްދާ ކަމުދާ ކަމަށްވެސް ޓައިގާ ވަނީ ބުނެފައެވެ. ޝްރައްދާ އާއި ޓައިގާ ވަނީ އެކުގައި 2016 ގެ ފިލްމް "ބާގީ" އިން ފެނިގެން ގޮސްފައެވެ.
މިފަދަ ގޮތަކަށް ޓައިގާ ވާހަކަ ދެއްކި މިއީ ފުރަތަމަ ފަހަރެވެ. މިހާ ހާމަކަން ބޮޑު ގޮތެއްގައި މިފަދަ ވާހަކައެއް ޓައިގާ ދެއްކި އިރު މިދިއަ މަހު ޓައިގާ އާއި ދުވަސްވީ ލޯބިވެރިޔާ ދިޝާ ޕަޓާނީ ރުޅިވެފައިވާ ކަމުގެ އަޑުތަކެއް ވެސް ވަނީ ފެތުރިފައެވެ.
View this post on Instagram
ޓައިގާ އާއި ދިޝާ ބޮލީވުޑަށް ތައާރަފް ވުމުގެ ކުރިން ލޯބީގެ ގޮތުން ގުޅުމަށްފަހު ދެ ތަރިން އުޅެެމުން އައީ ވަަރަށް ލޯބިންނެވެ. އަދި ދެފަރާތުގެ އާއިލާ އަކީވެސް ވަރަށް ގާތް ބައެކެވެ.
ދިޝާ ވަަރަށް ގިނައިން ޓައިގާގެ ގެއިން ފެނިގެން ގޮސްފައިވެއެވެ. އެހެން ކަމުން އެއާއިލާ އާއި ދިޝާ ވަރަށް ގާތް ކަމަށް ޚަބަރުތައް ބުނެއެވެ.
