ގެބޯންގެ ސަރުކާރުން އަރުވާ ޢިއްޒަތް، "ނޭޝަނަލް އޯޑަރ އޮފް މެރިޓް އޮފް ދަ ގެބަނީޒް ރިޕަބްލިކް" ދިވެހިރާއްޖޭގެ ފޮރިން މިނިސްޓަރ އަދި އދ. ގެ ޢާއްމު މަޖިލީހުގެ ރައީސް ޝާހިދަށް އަރުވައިފިއެވެ.
މިނިސްޓަރ ޝާޙިދަށް މި ޢިއްޒަތް އެރުވީ މިއަދު ގެބޯންގެ ވެރިރަށް ލީބްރަވިލް ގައި އެކަމަށްޓަކައި ބޭއްވި ޚާއްސަ ރަސްމިއްޔާތެއްގައެވެ. އެމަނިކުފާނަށް މި ޢިއްޒަތް އަރުވާފައިވަނީ ގެބޯންގެ ރައީސް އަލީ ބޮންގޯ އޮންޑިމްބާއެވެ.
އެކި ދާއިރާތަކުން ފާހަގަކޮށްލެވޭ ޚިދުމަތްތެރިންނަށް އަރުވާ މި ޢިއްޒަތް ތަޢާރަފްކުރެވުނީ 1971 ވަނަ އަހަރުއެވެ. މިނިސްޓަރ ޝާހިދު މިވަގުތު ގެބޯންގައި ހުންނެވީ އދ.ގެ ޢާއްމު މަޖިލީހުގެ ރައީސްގެ ހައިސިއްޔަތުން ކުރައްވާ ރަސްމީ ދަތުރުފުޅެއްގައެވެ.
Hearty congratulations to Minister @abdulla_shahid on being conferred the National Order of Merit of the Gabonese Republic by H.E. Ali Bongo Ondimba, President of the Gabonese Republic @PresidenceGA pic.twitter.com/F9KUa7ABxW
— Ministry of Foreign Affairs 🇲🇻 (@MoFAmv) August 16, 2022
ދިވެހިރާއްޖެއިން ގެބޯންއާއެކު ޚާރިޖީ ގުޅުން ޤާއިމުކޮށްފައިވަނީ 20 މާރިޗު 2008 ގައެވެ. މިއަހަރު ދެ ޤައުމުގެ ގުޅުމަށް 14 އަހަރު ވަނީ ފުރިފައެވެ.
ކޮމެންޓު ފޮނުވާ